სამთავრობო ცვლილებებს პრემიერ-მინისტრი გეგმავს - ახალ მინისტრთა კაბინეტში ვიქნები თუ არა, ამაზეც გადაწყვეტილებას ის მიიღებს, - ამის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ეკატერინე ტიკარაძემ განაცხადა, როდესაც უპასუხა კითხვას შესაძლო სამთავრობო ცვლილებების შესახებ.

„სამთავრობო ცვლილებებს გეგმავს ქვეყნის მეთაური, პრემიერ-მინისტრი და თუ ის დაიგეგმება, ამის შესახებ კომენტარს გააკეთებს თვითონ პრემიერი. ახალ მინისტრთა კაბინეტში ვიქნები თუ არა მე, ამის შესახებაც გადაწყვეტილებას მიიღებს პრემიერი. მე მაქვს დაწყებული ძალიან ბევრი რეფორმა, რომელიც არის დასასრულებელი“, - განაცხადა ტიკარაძემ.