„ახალი სკოლის მოდელში“ სახელოვნებო განათლების პროექტის გაფართოებასთან დაკავშირებით, მუზეუმების წარმომადგენლებთან შეხვედრა გაიმართა

განათლების, მეცნიერების, კულტურისა და სპორტის მინისტრის მოადგილემ ეკატერინე დგებუაძემ განათლების რეფორმის ფარგლებში მიმდინარე „ახალი სკოლის მოდელში“ არაფორმალური სახელოვნებო განათლების ხელშეწყობის პროექტის „სკოლა მუზეუმში“ შესახებ საქართველოს მუზეუმების წარმომადგენლებთან გაცნობითი ხასიათის შეხვედრა გამართა.

როგორც „ინტერპრესნიუსს“ განათლების, მეცნიერების, კულტურისა და სპორტის სამინისტროდან აცნობეს, შეხვედრაზე საუბარი შეეხო პროგრამის მასშტაბის გაფართოების მიზნით ორმხირივი ურთიერთობებისა და თანამშრომლობის გაღრმავების პერსპექტივებს. მხარეებმა ერთმანეთს საკუთარი გამოცდილება გაუზიარეს, განიხილეს არაფორმალური განათლების მიმართულებით არსებული გამოცდილება, მიღწევები, გამოწვევები და განხორციელებული პროგრამები.

ეკატერინე დგებუაძემ აღნიშნა, რომ სკოლების მონაწილეობა სხვადასხვა არაფორმალურ საგანმანათლებლო აქტივობებში უფრო საინტერესოს გახდის სასწავლო პროცესს და მოსწავლეთა მოტივაციის ამაღლებას შეუწყობს ხელს. მინისტრის მოადგილემ მადლობა გადაუხადა მუზეუმების წარმომადგენლებს მრავალწლიანი ნაყოფიერი თანამშრობლობისთვის და საგანმანათლებლო პროგრამების შემუშავების პროცესში მათი ჩართულობის მნიშვნელობას გაუსვა ხაზი.

„შეხვედრის ბოლოს მხარეებმა თანამშრომლობისთვის მზადყოფნა გამოთქვეს და კონკრეტული საკითხების განსახილველად სამომავლო შეხვედრები დაგეგმეს. საქართველოს განათლების, მეცნიერების, კულტურისა და სპორტის სამინისტროს მხარდაჭერით ხორციელდება არაფორმალური სახელოვნებო განათლების პროექტი „ხელოვნება სკოლაში“, რომელიც ზოგადსაგანმანათლებლო დაწესებულებებში კულტურის კომპონენტის გაძლიერებისა და მოსწავლეთა სასკოლო ცხოვრების გამრავალფეროვნების მიზნით შეიქმნა. იგი კულტურის სამ მნიშვნელოვან სფეროს აერთიანებს და შემდეგ პროგრამებს მოიცავს: „სკოლა მუზეუმში,“ „სკოლა თეატრში“ და „კინო სკოლაში“. პროგრამა „სკოლა მუზეუმში“ საქართველოს ეროვნული მუზეუმის კოლექციების სასწავლო რესურსად გამოყენებას გულისხმობს. საგანმანათლებლო პროგრამების შემუშავებისა და განხორციელებისთვის სამუზეუმო ექსპონატები საგანგებოდ ირჩევა და ისინი სამ მუზეუმში ხორციელდება: სიმონ ჯანაშიას სახელობის საქართველოს მუზეუმში, დიმიტრი შევარდნაძის სახელობის ეროვნული გალერეასა და გიორგი ჩიტაიას სახელობის ეთნოგრაფიული მუზეუმში ღია ცის ქვეშ”, - აღნიშნულია ინფორმაციაში.

რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)