მაია ცქიტიშვილი - მუნიციპალიტეტები დააფუძნებენ კურორტების მართვის ორგანიზაციებს, რომელიც უზრუნველყოფს ამ კურორტებზე ადგილობრივების და ტურისტებისთვის სერვისების მიწოდებას

რეგიონული განვითარებისა და ინფრასტრუქტურის მინისტრმა მაია ცქიტიშვილმა განმარტა რას გულისხმობს კანონპროექტი, რომლის თანახმადაც, მუნიციპალიტეტებს შესაძლებლობა მიეცემათ კურორტების მართვის ორგანიზაციები ჩამოაყალიბონ.

„ჩვენმა უწყებამ შეიმუშავა კანონპროექტი, რომელიც უკვე პარლამენტშია და ეხება იმ შესაძლებლობას, რომელიც ექნება ცალკეულ მუნიციპალიტეტებს, სადაც საკურორტო ზონებია, მაგალითად - ბაკურიანი, გუდაური, ურეკი ან უშგული, ანუ ისეთი დასახლებები, რომელთაც არ აქვთ სპეციალური ადმინისტრაციული ორგანო. ბაკურიანს დღესდღეობით ემსახურება ბორჯომის მუნიციპალიტეტი და ბუნებრივია, დამსვენებელთა გაზრდილი ნაკადის და სხვადასხვა საჭიროების გათვალისწინებით, დისტანციურად რთულია სერვისების განვითარებაზე ზრუნვა. კანონის მიღების შემდეგ, მუნიციპალიტეტები დააფუძნებენ კურორტების მართვის ორგანიზაციებს თავისი მენეჯმენტით, რომელიც უზრუნველყოფს ამ კურორტებზე ადგილობრივი მოსახლეობისა და ტურისტებისთვის სერვისების მიწოდებას, ასევე - ერთიან მართვას“, - აღნიშნა მაია ცქიტიშვილმა ჟურნალისტებთან საუბრისას.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)