მოძრაობა „შეცვალეს“ აქტივისტებსა და მერიის თანამშრომლებს შორის შელაპარაკება მოხდა. „ლილოს“ დასახლებაში თბილისის მერი საცურაო აუზის სამუშაოების დათვალიერების მიზნით მივიდა, ადგილზე „შეცვალეს“ აქტივისტები მივიდნენ. სამოქალაქო ატივისტების განცხადებით, მათ სურდათ, რომ კახა კალაძესთვის გარკვეული შეკითხვები დაესვათ, მათ შორის საკრებულოში „ნაციონალური მოძრაობის“ წევრ ლევან ხაბეიშვილსა და „ქართული ოცნების“ დეპუტატებს შორის მომხდარ დაპირისპირებაზე.
მოძრაობის წევრების თქმით, მათ ასევე კალაძისგან პასუხი აინტერესებდათ მისი ბოლო დროის განმავლობაში გაკეთებულ განცხადებებზე.
სამართლადამცავებმა მოძრაობა „შეცვალეს“ წევრებს თბილისის მერთან მიახლოვების საშუალება არ მისცეს, რასაც უკვე მათ შორის სიტყვიერი შეკამათება მოჰყვა.