სალომე ზურაბიშვილი ევროპის საბჭოს გენერალურ მდივანს შეხვდა

საქართველოს პრეზიდენტი სალომე ზურაბიშვილი სტრასბურგში სამუშაო ვიზიტისას ევროპის საბჭოს გენერალურ მდივანს, მარია პეიჩინოვიჩ ბურიჩს შეხვდა. აღნიშნულ ინფორმაციას საქართველოს პრეზიდენტის ადმინისტრაცია ავრცელებს.

მათი ინფორმაციით, საქართველოს პრეზიდენტმა მადლობა გადაუხადა ევროპის საბჭოს გენერალურ მდივანს პროდუქტიული შეხვედრისა და იმ პირადი წვლილისათვის, რომელიც მას მიუძღვის ევროსაბჭოს მინისტრთა კომიტეტის პრეზიდენტობისათვის საქართველოს მოსამზადებელ ეტაპზე.

როგორც პრეზიდენტმა აღნიშნა, შეხვედრისას განიხილეს საქართველოს საქმიანობის 4 პრიორიტეტი. საქართველო იმედოვნებს, რომ ყველა ამ მიმართულებით დიდ პროგრესს აჩვენებს.

„მინდა დაგარწმუნოთ, რომ საქართველო ევროპის საბჭოს ძალიან აქტიური წევრი იქნება. რა თქმა უნდა, არსებობს გარკვეული კრიტიკა, მაგრამ საქართველო ვითარდება, შენდება და აშენებს სახელმწიფო ინსტიტუტებს. ამის დამადასტურებელი პროგრესი სახეზეა. საქართველო ძალიან მადლიერია კონსოლიდაციის ანგარიშის გამო, რომელიც ძალიან მნიშვნელოვანი ინსტრუმენტია, რადგან ის ერთადერთია, რომელიც ოკუპირებულ ტერიტორიებზე შექმნილ რეალურ ვითარებას ასახავს. ადამიანის უფლებათა დაცვის მიმართულებით საქართველოს ძალიან რთული თვე ჰქონდა. ექიმ ვაჟა გაფრინდაშვილის გათავისუფლება სწორედ საერთაშორისო საზოგადოების ჩართულობის შედეგია. ეს იმის ნიშანია, რომ, როცა საკითხის გარშემო ყველა ერთიანდება, შედეგის მიღება შესაძლებელია", - აღნიშნა პრეზიდენტმა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 09.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ტერაბანკი ქალთა საერთაშორისო დღის აღსანიშნავად
Mastercard-ის ხელშეწყობით, ყოველთვიური ვებინარების სერია: „კოვიდ 19 გავლენა ტურიზმზე: საქართველოს და მსოფლიო ტურიზმის ტენდენციები“ დაიწყო