მალხაზ მაჩალიკაშვილი - არც ერთ მშობელს არ ვუსურვებ იმ ჯოჯოხეთს, რომელიც მე გავიარე

მე არ მაინტერესებს დღევანდელი განცხადება, რომ თემირლანს დაუმტკიცდა ტერორისტობა, ეს ჩემთვის ახალი ხილი არ არის. მოველოდი, რომ ეს შედეგი დადგებოდა იმიტომ, რომ ამაზე ჰქონდა ჩემთან საუბარი რამდენიმე ადამიანს, - ამის შესახებ მალხაზ მაჩალიკაშვილმა დღეს გამართულ პრესკონფერენციაზე განაცხადა.

მაჩალიკაშვილის თქმით, ამ ორი წლის განმავლობაში მიმდინარე გამოძიება მხოლოდ ფორმალური იყო.

„სიცოცხლე გრძელდება იმ დღემდე, სანამ არ დაიდება მთელი ეს სიმართლე. დღეს ის დარტყმა იყო, რასაც მპირდებოდა დღევანდელი სისხლიანი, გახრწნილი სისტემა. მეუბნებოდნენ - არ იქნები ჩვენთან, არ ითანამშრომლებ და საბოლოო შედეგს ასეთს დავდებთ და ვიტყვით, რომ თემირლანი იყო ტერორისტი. ითანამშრომლებ ჩვენთან - ნაწილობრივ ვაღიარებთ და შემდგომში მთლიანად ვაღიარებთ, რომ თემირლანი არ იყო დამნაშავე.

დღეს საზოგადოებამ ძალიან ცოტა იცის იმის შესახებ, რაც მე გამოვიარე, რა შემოთავაზებები იყო, რა მედიატორების საშუალებით ცდილობდნენ ჩემს დაქცევას, ჩემი ბრძოლის წართმევას, მაგრამ ეს ყველაფერი ამაო აღმოჩნდა. როგორც მპირდებოდნენ საბოლოო დარტყმა მომაყენეს და ამას გადავურჩი მეც და ჩემი მეუღლეც.

იყო შემთხვევები, როცა მაღალი თანამდებობის ადამიანები ვიღაცებს მიგზავნიდნენ და მეუბნებოდნენ, ბატონო ვახა, ჩვენ თუ ამას ვაღიარებთ, ჩვენ ხელისუფლება თავზე დაგვემხობა და მოდი, მოვძებნოთ გზა - რაზეც მე ვეუბნებოდი უარს. ეს ყველაფერი თავის დროზე დალაგდება და ყველა კითხვას პასუხი გაეცემა, ყველა დამნაშავე დაისჯება.

რაც შეეხება ჯოჯოხეთს, რომელიც მე გავიარე, ამას არც ერთ მშობელს არ ვუსურვებ. მე ვხედავ, როგორ დამეჯახა მთელი ეს ბინძური სისტემა თავისი ყველაფრით. ამოქმედებული სახელმწიფო მანქანა იმისთვის, რომ თავისი გაიტანოს და ერთი ადამიანი დაჩაგროს ამ სახელმწიფოში, თუმცა ამის იქით არსებობს სხვა ქვეყნები, ევროპული სასამართლო, სტრასბურგის სასამართლო, რომელიც თავის სიტყვას იტყვის და ჩვენ ამას სულ მალე მოგაწვდით“,- განაცხადა მაჩალიკაშვილმა.

შეგახსენებთ, თბილისის პროკურატურამ თემირლან მაჩალიკაშვილის საქმეზე გამოძიება შეწყვიტა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი