სერგი კაპანაძე - თუ ხელისუფლება მართლა გაბედავს იზორიას გერმანიაში ელჩად დანიშვნას, ეს იქნება საგარეო უწყების და მთლიანად ხელისუფლების მხრიდან მორიგი სამარცხვინო ნაბიჯი

თუ ხელისუფლება მართლა გაბედავს და იზორიას გერმანიაში ელჩად დანიშნავს, ეს იქნება საგარეო საქმეთა სამინისტროსგან და მთლიანად ხელისუფლების მხრიდან მორიგი სამარცხვინო ნაბიჯი, - ასე ეხმიანება "ევროპული საქართველოს" ერთ-ერთი ლიდერი სერგი კაპანაძე ჟურნალისტებთან ლევან იზორიას მიერ თანამდებობების დატოვებას და გერმანიაში ელჩად დანიშვნის შესახებ ინფორმაციას.

დეპუტატი ამბობს, რომ ლევან იზორია ზოგადად პოლიტიკურ პროცესებს მის ძმასთან დაკავშირებული ინციდენტისა და აუდიტის სამსახურის დასკვნის გამო უნდა ჩამოშორდეს.

"იზორია არათუ დიპლომატიაში უნდა იყოს მაღალ თანამდებობაზე დანიშნული, არამედ პოლიტიკურ პროცესებს მხოლოდ იმის გამო უნდა იყოს ჩამოცილებული, რაც მან თავისი ძმის საკითხთან დაკავშირებით გააკეთა, როცა პრაქტიკულად, პოლიციელის მუნდირს სერიოზული ჩრდილი მიაყენა, რათა თავისი ძმა დაეცვა და იმ სამარცხვინო მდგომარეობიდან გამოეძვრინა, რაშიც პოლიციელები ჩააგდო. ამას რომ თავი დავანებოთ, სახეზეა აუდიტის სამსახურის დასკვნა, სადაც პირდაპირ არის საუბარი იმ ბევრ დარღვევაზე, რომელიც თავდაცვის სამინისტროში ხდებოდა მისი იქ მუშაობის დროს. ამ ყველაფერს რეაგირება სჭირდება. წესით, ნორმალურ ვითარებაში, პროკურატურა ამას გამოიძიებდა და ამას მოჰყვებოდა პოლიტიკური და სამართლებრივი რეაგირება, თუმცა ისეთ არანორმალურ ვითარებაში ვართ, როცა მხოლოდ პოლიტიკური ერთგულება ფასდება და ამ ნიშნით იქნება გერმანიაში გაგზავნილი, თუ ამ სამარცხვინო ნაბიჯს საბოლოოდ გადადგამს საგარეო საქმეთა სამინისტრო", - განაცხადა სერგი კაპანაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია