გლდანის ციხეში მყოფი პატიმრის და - ჩემ ძმას 7 ელემენტი აქვს გადაყლაპული და ექიმები ოპერაციას არ უკეთებენ

სასჯელაღსრულების #8 დაწესებულებაში ერთ-ერთი პატიმრის ოჯახის წევრები დახმარებას ითხოვენ.

თამარ წოწორიას თქმით, პატიმარს 7 ელემენტი აქვს გადაყლაპული, თუმცა რა მიზეზით მათთვის უცნობია. პატიმრის ოჯახის წევრები ითხოვენ, რომ პატიმარს დაუყოვნებლივ ოპერაცია ჩაუტარდეს.

„ჩემ ძმას 7 ელემენტი აქვს გადაყლაპული და ექიმები ოპერაციას არ უკეთებენ. დღეს ადვოკატი იყო შესული და მან გვითხრა, რომ 3 ელემენტი გამოიდევნა ორგანიზმიდან და ექიმები ელოდებიან დანარჩენების გამოდევნას, მაგრამ უკვე მეოთხე დღეა ჩემ ძმას გაუსაძლისი ტკივილები აქვს, გადაადგილებაც კი უჭირს. ციხის ექიმი ნანა მაღრაძე ოპერაციის ჩატარებაზე უარს ამბობს, მაგრამ ორ-სამ დღეში ელემენტმა თუ დაჟანგება დაიწყო, სავალალო შედეგით დასრულდება. მივამართავთ ყველას, გაგვაგებინონ ძმის მდგომარეობა და ჩაუტარდეს ოპერაცია, რადგან ადვოკატმაც გვითხრა, რომ ჩემ ძმას ნაწლაური ინფექცია აქვს და ასევე ტუბერკულიოზი. უძლური ვარ და ყველას გთხოვთ დახმარებას, ჩემი ძმის სიცოცხლის გადასარჩენად“,-აცხადებს თამარ წოწორია.

ოჯახის წევრების ინფორმაციით, პატიმარი ერთ კაციან საკანში ჰყავთ მოთავსებული, მაგრამ მათთვის უცნობია, როგორ მოახერხა პატიმარმა ელემენტების გადაყლაპვა. ოჯახის წევრები ასევე ამბობენ, რომ 20 წლის პატიმარი სატელეფონო საუბრისას მიზეზებზე არ საუბრობს, მაგრამ ამბობს, რომ „დაიღალა და სურს რომ ყველაფერი დასრულდეს“.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის