პარიზში, საფრანგეთის პოლიციასა და საპროტესტო აქციის მონაწილე მეხანძრეებს შორის შეტაკება მოხდა.

მეხანძრეები პარიზის ქუჩებში ცუდი სამუშაო პირობების გასაპროტესტებლად შეიკრიბნენ და მეტი ანაზღაურება მოითხოვეს.

აქციას ათასობით მეხანძრე დაესწრო. პოლიციამ დემონსტრანტების წინააღმდეგ ცრემლსადენი გაზი და ხელკეტები გამოიყენა.

მეხანძრეები საპროტესტო აქციაზე 2019 წლის ოქტომბერშიც შეიკრიბნენ და უკეთესი საპენსიო გარანტიები მოითხოვეს.