ბუტა რობაქიძის საქმეზე ირაკლი ოქრუაშვილის და ზურაბ ადეიშვილის წინასასამართლო პროცესი მიმდინარეობს

თბილისის საქალაქო სასამართლოში ბუტა რობაქიძის საქმეზე შინაგან საქმეთა ყოფილი მინისტრის ირაკლი ოქრუაშვილისა და ყოფილი გენერალური პროკურორის ზურაბ ადეიშვილის წინასასამართლო პროცესი მიმდინარეობს. სხდომას მოსამართლე ქეთევან ჯაჭვაძე უძღვება.

დღევანდელ პროცესზე მტკიცებულებების დასაშვებობაზე იმსჯელებენ.

სხდომას ბრალდებულები არ ესწრებიან. პროცესს ბუტა რობაქიძის მამა, სოსო რობაქიძე ესწრება. როგორც სხდომის დაწყებამდე სოსო რობაქიძემ ჟურნალისტებს განუცხადა, მას აქვს ერთ-ერთი მოწმის, მიქაძის ჩვენება, რომელიც ხელს ოქრუაშვილს ადებს.

„ოქრუაშვილისა და ადეიშვილის გარეშე ეს არ იქნებოდა. მე მაქვს მიქაძის ჩვენება, სადაც ოქრუაშვილს პირდაპირ ადებს ხელს. ეს იყო 8 წლის წინ. მე ერთი რამ ვიცი, პატრული ოქრუაშვილმა შექმნა და მის ღირსებას თავიდან ბოლომდე დაიცავდა, იმიტომ, რომ „ნაცები“ ბოლშევიკები იყვნენ. ამ ქვეყანაში მკვლელს ვერ იპოვი, არადა 160 ბიჭია მოკლული, თან კლავდა, თან - აყალბებდა. თუ ჩემი შვილი სახლში დამხვდება, ჩემზე ბედნიერი კაცი არ იქნება. ბაშალეიშვილმა, რომელმაც ჩემი შვილი მოკლა, ორი წლის შემდეგ დააკავეს. მკვლელი პოლიციელი პოლიციაში იყო. კაცს, რომელსაც ტაბელური იარაღი ჰქონდა და მის სახელზე იყო გაფორმებული, ორი წელი მოუნდნენ მის დაკავებას. რა თქმა უნდა, ეს ქვემოდან არ იყო”, - განაცხადა რობაქიძემ.

მისივე განცხადებით, ის “ნაციონალური მოძრაობის” დაბრუნებას არ დაუშვებს.

“ვიდრე პირში სული მიდგას, ეგენი ვერ მობრუნდებიან, მთელი საქართველო დადგება ფეხზე. ღმერთმა დაიფაროს, თორემ არ ვმალავ და პირდაპირ ვიძახი - სამოქალაქო ომის წინაშე დადგება ქვეყანა. სულ რომ გაიწიოს “ოცნება”, ჩვენ არ გავიწევით. ჩვენ ვართ მაგათი კედელი, არ არის ბიძინა ივანიშვილი მაგათი კედელი და ივანიშვილმა ის დაპირებული უნდა შეასრულოს“, - აღნიშნა სოსო რობაქიძემ.

შეგახსენებთ, ბუტა რობაქიძის და მასთან ერთად ავტომანქანაში მყოფი პირების მიმართ უფლებამოსილების ბოროტად გამოყენების ფაქტზე შინაგან საქმეთა ყოფილი მინისტრის ირაკლი ოქრუაშვილის და ყოფილი გენერალური პროკურორს ზურაბ ადეიშვილს ბრალი პროკურატურამ 19 ნოემბერს წაუყენა. 22 ნოემბერს კი საქალაქო სასამართლომ ირაკლი ოქრუაშვილს აღკვეთის ღონისძიებად პატიმრობა შეუფარდა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)