თუკი რომელიმე ოპოზიციურ ჯგუფს აქვს ჩვენი ქვეყნის სტაბილური და მშვიდობიანი განვითარების ინტერესი, მათ აღელვებთ ჩვენი საზოგადოების ბედი, ყველაზე რაციონალური და კომპრომისული ვერსიაა 100/50-ზე, -ამის შესახებ ჟურნალისტებს საპარლამენტო უმრავლესობის ერთ-ერთმა ლიდერმა ანრი ოხანაშვილმა განუცხადა.
მისივე თქმით, ოპოზიციამ ამ საარჩევნო მოდელთან დაკავშირებით თანხმობა უნდა განაცხადოს.
"ჩვენ უნდა შევთანხმდეთ, წინააღმდეგ შემთხვევაში, მიჩნდება საფუძლიანი ეჭვი, რომ ეს ადამიანები თუ არ ეთანხმებიან, ტრიალებენ მიხეილ სააკაშვილის ორბიტაზე, მისი წნეხის ქვეშ არიან და ვერ გამოდიან საკუთარი ინტერესების სასარგებლოდაც კი. ისინი ჩვენი საზოგადოების ინტერესების შესაბამისად მოქმედებასაც ვერ ბედავენ იმის გამო, რომ მიხეილ სააკაშვილი არ გაანაწყენონ", - განაცხადა ოხანაშვილმა.