„ჯორჯიან უოთერ ენდ ფაუერი“ ნუცუბიძის ფერდობზე, ჭილაიას ქუჩაზე, წყალმომარაგების სისტემაზე სარეაბილიტაციო სამუშაოებს ახორციელებს.
როგორც „ინტერპრესნიუსს“ „ჯივიპიდან“ აცნობეს, აღნიშნული პროექტის ფარგლებში სრულად იცვლება 3 კილომეტრი სიგრძის წყალსადენის და 2.6 კილომეტრი სიგრძის წყალარინების ამორტიზირებული ქსელი. კომპანია ახალ ქსელზე ევროსტანდარტის ჩამკეტ-მარეგულირებელ ურდულებს დაამონტაჟებს, ასევე საკვანძო ჭებსა და სახანძრო ჰიდრანტებს მოაწყობს.
პროექტის ჯამური ღირებულება 1 მლნ ლარს შეადგენს. „ჯორჯიან უოთოერ ენდ ფაუერი“ სარეაბილიტაციო სამუშაოებს მარტის თვის ბოლოს დაასრულებს.