გია ვოლსკი - 2-3 კონგრესმენი ლობირებს "ფრონტერას" და იყენებს არაადეკვატურ კომენტარებს, რომელმაც ტაშ-ფანდური გამოიწვია "ნაცმოძრაობის" რიგებში

2 თუ 3 კონგრესმენი პირდაპირ ლობირებს "ფრონტერას" და იყენებს აბსოლუტურად არაადეკვატურ კომენტარებს, რომლებმაც სიხარული და ტაშ-ფანდური გამოიწვია "ნაციონალური მოძრაობის" რიგებში, - ასე ეხმიანება პარლამენტის პირველი ვიცე-სპიკერი გია ვოლსკი ჟურნალისტებთან კონგრესმენ პიტ ოლსონის მიერ გაკეთებულ განცხადებებს. ვოლსკის თქმით, მისი ეს განცხადება დესტრუქციულია და პირადი ბიზნესინტერესებით არის განპირობებული.

„მე მგონია, რომ ეს განცხადება გარკვეულწილად განპირობებულია პირადი ბიზნეს-ინტერესებით, ამას წყალი არ გაუვა, მაგრამ ვფიქრობ, ამავე დროს დესტრუქციულია იმდენად რამდენადაც არსებობს ორი მნიშვნელოვანი ფაქტორი, ერთი ის, რომ შიგნით ძალიან მძიმე მდგომარეობაში არიან აქ დასაქმებული ადამიანები, ერთი წლის განმავლობაში ხელფასს ვერ იღებენ და ქუჩაში გაყარეს, მეორე ის, რომ ეს თემა იხილება სტოკჰოლმის საერთაშორისო არბიტრაჟის მიერ და არ მგონია, რომ რომელიმე კონგრესმენი ან რომელიმე საკანონმდებლო ორგანოს თანამშრომელი არსებობდეს ნებისმიერ ქვეყანაში, რომელსაც არ ესმის, რომ როცა საკითხი საერთაშორისო არბიტრაჟზე იხილება, იქ ქვეყნის მიმართ მუქარა არის არაადეკვატური, არამეგობრული და თუ ვინმეს გაუხარდება ეს განცხადებები, არის მხოლოდ „ნაცმოძრაობა“ თავის სატელიტებით და მოსკოვი. ერთ კონგრესმენზე პასუხის გაცემით ჩვენ ვერ დავფარავთ მთლიანად იმ თემებს, რომელიც დღეს აქტუალურია და რომელიც რამდენიმე კონგრესმენის სხვა შინაარსის წერილში გამოჩნდა. თუმცა, არიან ადამიანები, 2 თუ 3 კონგრესმენი, რომლებიც პირდაპირ ლობირებენ „ფრონტერას“ და იყენებენ აბსოლუტურად შეუსაბამო, არაადეკვატურ კომენტარებს, რომლებმაც სიხარული და ტაშ- ფანდური გამოიწვია “ნაციონალური მოძრაობის” რიგებში", - განაცხადა გია ვოლსკიმ.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს