„ფონდი ნატახტარი“ საერთაშორისო კონკურსზე დაჯილდოვდა

"ფონდი ნატახტარი“ დაჯილდოვდა საერთაშორისო კონკურსზე უკრაინაში. კონკურსი „პარტნიორობა მდგრადობისთვის ჯილდო 2019“ გაეროს გლობალ კომპაქტი უკრაინის (UN Global Compact Ukraine) ორგანიზებით ჩატარდა.

აღნიშნული კონკურსი ყოველწლიურად ტარდება საერთაშორისო დონეზე. წელს კონკურსში 80 პროექტი იყო წარდგენილი. ღონისძიების მიზანია საუკეთესო პარტნიორული პროექტების დაჯილდოება, რომლებიც ხელს უწყობს გაეროს მდგრადი განვითარების მიზნების მიღწევას.

შეგახსენებთ, რომ „ფონდი ნატახტარი“ 2011 წლიდან ეხმარება მზრუნველობამოკლებულ მოზარდებს დამოუკიდებელი ცხოვრებისთვის მომზადებაში. 2011 წლიდან დღემდე ფონდი 892.593 ლარით 550-ზე მეტ ბენეფიციარს დაეხმარა. ეს დახმარება მოიცავდა ფსიქოლოგიურ კონსულტაციას, საგნებში მომზადებას, პროფესიული განათლებისა და მართვის მოწმობის მიღებას, პროფესიისთვის საჭირო იარაღების/მასალის შეძენას, სტიპენდიის დანიშვნას (ბინის ქირა, კვება, გზა) და სხვა.

აღსანიშნავია, რომ ფონდის 320-ზე მეტი ბენეფიციარი დასაქმდა, ხოლო 280-ზე მეტმა ახალგაზრდამ პროფესიული განათლება მიიღო.

„ფონდი ნატახტარის“ თითოეული ბენეფიციარისთვის თანხა მისი საჭიროებებიდან გამომდინარე, ინდივიდუალურად გამოიყოფა. პროექტი საქართველოს პატრიარქის თანადგომითა და ლოცვა-კურთხევით, ასოციაცია „ჩვენი სახლი - საქართველოს“ მიერ ხორციელდება. აღსანიშნავია, რომ თანხების გამჭვირვალობა დადასტურებულია საერთაშორისო აუდიტორული კომპანია PricewaterHouse Cooper-ის მიერ.

(R)

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი