გიგი უგულავა - არ ვიზიარებ აზრს, რომ სალომე ზურაბიშვილი თარგმანშია დაკარგული - ის ფრანგულადაც მოღალატეა, ინგლისურადაც, რუსულადაც და ძველქართულადაც

სალომე ზურაბიშვილი ჩამოყალიბდა, როგორც ამ ქვეყნის ჩვეულებრივი მოღალატე. მე კატეგორიულად არ ვიზიარებ აზრს, რომ ეს ქალი არის თარგმანში დაკარგული. არანაირ თარგმანში არ არის დაკარგული - ფრანგულადაც მოღალატეა, ინგლისურადაც, რუსულადაც და ძველქართულადაც, - ამის შესახებ „ევროპული საქართველოს“ ერთ-ერთმა ლიდერმა გიგი უგულავამ განაცხადა, რითაც საქართველოში რუსეთის დელეგაციის ჩამოსვლასთან დაკავშირებით ევროსაბჭოს საპარლამენტო ასამბლეაზე პრეზიდენტ სალომე ზურაბიშვილის განცხადებას გამოეხმაურა.

უგულავას განმარტებით, საქართველო დაზარალდება იმ შემთხვევაში, თუ ლავროვი ჩამოვა.

„თუ ქვეყნის ხელისუფლება თვლის, რომ ვინმე უნდა შემოვიდეს, მას აქვს ამის კანონიერი შესაძებლობა, რომ გამონაკლისი დაუშვას, მაგრამ ეს მან უნდა დაასაბუთოს რატომ აკეთებს. რას იღებს საქართველო იმით, რომ შემოუშვას ლავროვი და საერთაშორისო ვალდებულება არ არის აქ საპირწონე. საერთაშორისო ვალდებულება არის ღრმად ცერემონიალური, ის სანქციაც იყო ფორმალური და საქართველო ამით არ დაზარალებულა“, - განაცხადა გიგი უგულავამ.

მან ლავროვის საქართველოში ჩამოსვლის შემთხვევაში საპროტესტო აქციები დააანონსა.

„ჩვენ საზღვარზე ვერ დავდგებით და ლავროვის ჩამოსვლის პრევენციას ასე ვერ გავაკეთებთ, მაგრამ ფეხქვეშ მიწა დაეწვება ყველას, ვინც ამას გააკეთებს და ასევე რუსეთის დელეგაციამაც უნდა იცოდეს, რომ აქ მას დახვდება ძალიან კატეგორიული, აგრესიული, მაგრამ კანონის ფარგლებში არსებული შეხვედრა რეალურად ქართულ საზოგადოებასთან და არა ივანიშვილის ჯამბაზებთან.

წარმოგიდგენიათ, ხვალ რომ უკრაინა გახდება ევროსაბჭოს თავმჯდომარე, ლავროვი ჩავიდეს და ფიანდაზად დაეფინოს უკრაინელი ხალხი და უკრაინის მთავრობა?! მართლა გულისამრევი უთავმოყვარეობაა“, - განაცხადა უგულავამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს