ელჩი - მთავრობა მუშაობს უხანიდან საქართველოს ხუთი მოქალაქის ევაკუაციის გეგმაზე, რომელიც ჯანდაცვის საერთაშორისო ორგანიზაციის წესების დაცვით განხორციელდება

ჩინეთის სახალხო რესპუბლიკაში საქართველოს საგანგებო და სრულუფლებიანი ელჩის არჩილ კალანდიას განცხადებით, საქართველოს პარტნიორ ქვეყნებთან ერთად მიმდინარეობს იმ მექანიზმის ჩამოყალიბება, თუ როგორ მოახერხოს საქართველოს მთავრობამ, ჩინეთის ქალაქ უხანიდან საქართველოს 5 მოქალაქის ევაკუაცია.

როგორც „ინტერპრესნიუსთან“ ჩინეთში საქართველოს ელჩმა განმარტა, მათი უხანიდან ევაკუაცია, ყველა უსაფრთხოების, საერთაშორისო ნორმებისა და ჯანდაცვის ორგანიზაციის მითითებების დაცვით უნდა მოხდეს.

„საქართველოს 5 მოქალაქე არის ჩინეთში, უხანში - იმ ქალაქში, რომელიც არის კორონავირუსით ინფიცირების წყარო. სხვა მოქალაქეები სხვადასხვა უბანში არიან. აქ მხოლოდ 5 ადამიანზეა საუბარი. საქართველოს მთავრობა მუშაობს ამ ხუთი ჩვენი თანამემამულის ევაკუაციის გეგმაზე. ამჟამად დგინდება ის მექანიზმები, თუ როგორ მოვახდინოთ საჭიროების შემთხვევაში, ამ ადამიანების ევაკუაცია. როგორც კი შესაბამისი გეგმა, მექანიზმი ჩამოყალიბდება, რომელიც ხორციელდება ჩვენს მეზობელ პარტნიორებთან ერთად, მათთან კოორდინაციით, ჩვენ ამ გეგმას ვაცნობებთ ჩვენს თანამოქალაქეებს თუ რა პირობით იქნებიან ისინი ევაკუირებულები და მათი თანხმობის შემთხვევაში, ჯანდაცვის საერთაშორისო ორგანიზაციის წესების დაცვით, განხორციელდება მათი ევაკუაცია უკან“, - განმარტა არჩილ კალანდიამ „ინტერპრესნიუსთან“.

მისივე თქმით, ამ ეტაპზე კორონავირუსით, საქართველოს არცერთი მოქალაქე არ არის ინფიცირებული.

„ჩვენ 24 საათიან რეჟიმში გვაქვს მათთან კონტაქტი. როგორც უხანში მყოფ ჩვენს თანამოქალაქეებთან, ისე, მთელი ჩინეთის მასშტაბით, სხვა ჩვენს თანამემამულეებთან. ჩვენ მათთან მუდმივ კავშირზე ვართ მას შემდეგ, რაც ამ ვირუსმა დაიწყო გავრცელება და საბედნიეროდ, არცერთი შემთხვევა არ დაფიქსირებულა და იმედი გვაქვს, არც დაფიქსირდება“, - განაცხადა ჩინეთში საქართველოს ელჩმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს