ტურიზმის ადმინისტრაციამ მადრიდში, საერთაშორისო ტურისტულ გამოფენაზე FITUR 2020 მიიღო მონაწილეობა

ეკონომიკისა და მდგრადი განვითარების სამინისტროს ტურიზმის ადმინისტრაციამ ესპანეთში, მადრიდში საერთაშორისო ტურისტულ გამოფენაზე FITUR 2020 მიიღო მონაწილეობა.

როგორც „ინტერპრესნიუსს“ საქართველოს ტურიზმის ეროვნული ადმინისტრაციიდან აცნობეს, მსოფლიოში ერთ-ერთ უდიდეს გამოფენაზე საქართველოს სტენდი გაერო-ს მსოფლიო ტურიზმის ორგანიზაციის გენერალურმა მდივანმა ზურაბ პოლოლიკაშვილმა დაათვალიერა. გამოფენას დაესწრო ესპანეთის სამეფოში საქართველოს საგანგებო და სრულუფლებიანი ელჩი ილია გიორგაძე. გამოფენაზე საქართველოს სტენდს ეწვია ესპანეთის ვაჭრობის, ინდუსტრიისა და ტურიზმის მინისტრის მოადგილე იზაბელ ოლივერი.

მათივე ინფორმაციით, FITUR 2020-ზე 165 ქვეყანა და რეგიონი იყო წარმოდგენილი. გამოფენაზე 11 ათასამდე ტურისტული კომპანია მონაწილეობდა, დამთვალიერებელთა რაოდენობამ კი 110,848 შეადგინა.

მათივე ცნობით, ესპანეთის საერთაშორისო გამოფენაზე საქართველოს ტურიზმის ეროვნულ ადმინისტრაციასთან ერთად 15 ტურისტული კომპანია და სახელმწიფო უწყება იყო წარმოდგენილი, მათ შორის აჭარის ტურიზმისა და კურორტების დეპარტამენტი, თბილისის მერია და იმერეთის დანიშნულების ადგილის მართვის ორგანიზაცია.

„ესპანეთიდან საქართველოში ტურისტული ნაკადების გაზრდის და საქართველოს ცნობადობის ამაღლების მიზნით, ტურიზმის ეროვნული ადმინისტრაციის წარმომადგენლები გამოფენაზე ესპანეთის ტურისტული კომპანიების, ონლაინ პლატფორმების ხელმძღვანელებს და ადგილობრივ ჟურნალისტებს შეხვდნენ.

FITUR 2020-ზე ვირტუალური რეალობის სათვალეების (VR) საშუალებით სტუმრებს საშუალება ჰქონდათ გაცნობოდნენ საქართველოს სხვადასხვა ტურისტულ ადგილებს და პროდუქტებს.

გამოფენის ფარგლებში გაიმართა ქართული ღვინის დეგუსტაცია“, - ნათქვამია ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი