სალომე ზურაბიშვილი არის რუსეთის გავლენის აგენტი საქართველოში და ეს დადასტურებულია ფაქტებით, - ასე გამოეხმაურა „ახალი საქართველოს“ ლიდერი გიორგი ვაშაძე ქვეყნის პრეზიდენტის, სალომე ზურაბიშვილის განცხადებას რუსული დელეგაციის საქართველოში ჩამოსვლასთან დაკავშირებით.
მისივე თქმით, რცხვენია, რომ სალომე ზურაბიშვილს ქვეყნის პრეზიდენტი ჰქვია.
„მიუხედავად იმისა, რომ ბოლომდე შევეწინააღმდეგე ამას, ვგრძნობ პასუხისმგებლობას ჩემს თავზე და ასევე იმედი მაქვს ყველა, ვინც მას მხარი დაუჭირა იძულებით, მოსყიდვით თუ საკუთარი ნებით, ისინიც გრძნობენ პასუხისმგებლობას თუ რა საგანგაშო ვითარებაში ვართ. სალომე ზურაბიშვილი არის რუსეთის გავლენის აგენტი საქართველოში და ეს დადასტურებულია ფაქტებით,” - განაცხადა გიორგი ვაშაძემ.