პაატა იმნაძე - გადაუდებელი საქმე თუ არ გვაქვს, ნუ წავალთ იქ, სადაც არის ინფექციის კერა - რაც შეეხება სხვა ქვეყნებს, ყველგან შეგიძლიათ იმოგზაუროთ

გადაუდებელი საქმე თუ არ გვაქვს, ნუ წავალთ იქ, სადაც არის ინფექციის კერა. რაც შეეხება სხვა ქვეყნებს, ჯერჯერობით მაღალი რისკის სიაში არც ერთი არ არის, ყველგან შეგიძლიათ იმოგზაუროთ, - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ „ინტერპრესნიუსს" განუცხადა.

მისივე თქმით, ახალი კორონავირუსი ხასიათდება იმ სიმპტომებით, რაც ჩვეულებრივ გრიპს ახასიათებს, ამიტომ მნიშვნელოვანია, რამდენად იმყოფებოდა პირი, რომელსაც ეს სიმპტომები (მაღალი ტემპერატურა, ხველა, სუნთქვის გაძნელება) აქვს ჩინეთში, ან ჰქონდა თუ არა კონტაქტი უხანიდან ჩამოსულ მოგზაურთან.

„უხანიდან ან იმ პროვინციიდან თუ ხართ ჩამოსული ორი კვირის მანძილზე და დაგეწყებათ ხველა, მაღალი ტემპერატურა, აუცილებლად უნდა მიმართოთ ექიმს, ან თუ ჩინეთში იყავით და იქ გქონდათ კონტაქტი ვიღაცასთან, ვისაც ჰქონდა ხველა და მაღალი ტემპერატურა.

ორი შემთხვევაა დაფიქსირებული ქვეყნის შიგნით ვირუსის გადადების, ერთი იაპონიაში და ერთი გერმანიაში, თუმცა, ორივე ამ ადამიანს ჰქონდა კონტაქტი უხანიდან ჩამოსულთან.

დღეს ჯანმრთელობის მსოფლიო ორგანიზაციის საგანგებო კომიტეტი შეიკრიბება, ჯერჯერობით ასეთი (რთული) სიტუაცია არ ჩანს არც ერთ ქვეყანაში გარდა ჩინეთისა. ჯანმრთელობის მსოფლიო ორგანიზაციის რეკომენდაციები უნდა განახორციელოს ყველა ქვეყანამ, მათ შორის, საქართველომ. ამ ეტაპზე გვაქვს რეკომენდაცია, რომ შემოწმდნენ მხოლოდ უხანიდან წამოსული მგზავრები.

ხალხმრავალ ადგილებში გინახავთ ალბათ, რომ ბევრი ადამიანი დადის ნიღბებით, ასევე ხელების ხშირი დაბანა არის ყველაზე კარგი პრევენცია, ან სველი სადეზინფექციო ხელსახოცით დამუშავება.

პირბადე სწორად უნდა ვიხმაროთ, გარედან არ უნდა მოვკიდოთ მას ხელი, რომ მერე ეს ხელი პირზე არ მოვისვათ. ამიტომ, ხელების დაბანა ყველაზე მნიშვნელოვანია. გადაუდებელი საქმე თუ არ გვაქვს, ნუ წავალთ იქ, სადაც არის ინფექციის კერა. რაც შეეხება სხვა ქვეყნებს, ჯერჯერობით მაღალი რისკის სიაში არც ერთი არ არის. ყველგან შეუძლიათ იმოგზაურონ, პარიზში, მიუხენშიც, ტოკიოშიც“, - განაცხადა პაატა იმნაძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი