დაავადებათა კონტროლის ცენტრის გადამდებ დაავადებათა დეპარტამენტის ხელმძღვანელი მოსახლეობას გრიპის და კორონავირუსების შესახებ რეკომენდაციებს აძლევს

ნიღბის გაკეთებას აზრი აქვს მაშინ, როცა დახურულ სივრცეში ხართ. სულ ტყუილად გიკეთიათ ნიღაბი ქუჩაში მოსიარულეებს, - ამის შესახებ დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა, ხათუნა ზახაშვილმა განაცხადა.

"ინტერპრესნიუსის" კითხვის პასუხად, ხათუნა ზახაშვილმა განაცხადა, რომ ქვეყანაში კორონავირუსი გავრცელებული არ არის და მხოლოდ გრიპის ვირუსი ცირკულირებს, თუმცა, ზოგადი რეკომენდაციების დაცვა მიზანშეწონილია.

"მოქალაქეებმა უნდა დაიცვან ცემინების ეტიკეტი, ხშირად გავანიავოთ სივრცეები და ავადმყოფი ადამიანები დარჩნენ სახლში, ნუ გადიან გარეთ. იქონიეთ სადეზინფექციო ხელსახოცები და ხშირად დაიმუშავეთ ხელები ტრანსპორტში. გაითვალისწინეთ, რომ ნიღაბი არის ბარიერული დაცვის მეთოდი, ქმნის ბარიერს, რომ თქვენს ცხვირსა და პირში არ მოხვდეს ინფიცირებული წვეთი. ჩვენთან კორონავირუსით დაავადებულები არ არიან და თუ ამიტომ იკეთებთ ნიღაბს, რომ არ მოგხვდეთ კორონავირუსით დაავადებულის წვეთი, ტყუილად შეიზღუდავთ სუნთქვის რეჟიმს. მაგრამ გსიამოვნებთ ნიღბის გაკეთება, ამას აზრი აქვს მაშინ, როცა ხართ დახურულ სივრცეში. ქუჩაში, ღია სივრცეში სეირნობა ნიღბით აზრს მოკლებულია, სულ ტყუილად გიკეთიათ ნიღაბი ქუჩაში მოსიარულეებს. მნიშვნელოვანია ნიღაბი ეკეთოს თავად დაინფიცირებულ ადამიანს, რომელმაც ის სწორად უნდა მოიხმაროს”, - განაცხადა ხათუნა ზახაშვილმა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)