ტელეკომპანია „მთავარის“ გენერალური დირექტორის ნიკა გვარამიასთან დაკავშირებით სასამართლოში მომხდარ ინციდენტს „ახალი საქართველოს“ თავმჯდომარე გიორგი ვაშაძე, ღია ფიზიკურ ტერორად აფასებს და მიიჩნევს, რომ ეს არის ფიზიკური ანგარიშსწორება ივანიშვილის მიერ, ფიზიკური და რეპრესიული მექანიზმების საშუალებით, რათა მათ ხელისუფლების შენარჩუნება შეძლოს.

ვაშაძის განცხადებით, აღნიშნული „ბოლო ზღვარია, რაც დამთავრდება ქართველი ხალხის გამარჯვებით“.

„ივანიშვილის ავტოკრატიული მმართველობა არ კმაყოფილდება პოლიტიკოსებზე სასამართლო, პოლიცია და პროკურატურის რეპრესიული მექანიზმების გამოყენებით და დაადგა ღია ფიზიკური ტერორის გზას, რაზეც მიუთითებს დღეს ნიკა გვარამიაზე და რამდენიმე დღის წინ ლევან ხაბეიშვილზე განხორციელებული ფიზიკური ანგარიშსწორება. ივანიშვილის მიერ ფიზიკური და რეპრესიული მექანიზმების საშუალებით ხელისუფლების შენარჩუნების მცდელობა ბოლო ზღვარია და ის აუცილებლად დამთავრდება ქართველი ხალხის გამარჯვებით“ - განაცხადა გიორგი ვაშაძემ.

ინფორმაციას „ახალი საქართველოს“ პრესსამსახური ავრცელებს.