კახა კოჟორიძე თბილისის პროკურატურაში მის მიერ შეტანილ განცხადებასთან დაკავშირებით გასაუბრებაზე იმყოფებოდა

თბილისის პროკურატურაში პოლიტიკური გაერთიანება „ლელო საქართველოსთვის” წევრი, კახა კოჟორიძე მის მიერ „მთავარი არხის” ეთერში გასულ სიუჟეტზე შეტანილ განცხადებასთან დაკავშირებით გასაუბრებაზე იმყოფებოდა.

კახა კოჟორიძის თქმით, ეს არ არის პირველი შემთხვევა, როდესაც გახმაურებულ საქმეზე გამოძიების დაწყება მოუთხოვიათ და ამ საქმის ლეგიტიმურად გამოძიების მოლოდინი არ აქვს.

„17 იანვარს ჩვენ შევიტანეთ პროკურატურაში განცხადება და მოვითხოვეთ გამოძიების დაწყება „მთავარი არხის” ეთერში გასულ სიუჟეტთან დაკავშირებით. ამ სიუჟეტში საუბარი იყო იმაზე, რომ პრემიერ-მინისტრი გახარია ვანო ზარდიაშვილთან ერთად შეხვდა მოსამართლე არევაძეს და მათ ისაუბრეს კონკრეტული საქმის დეტალებზე, სადაც გადაწყდა ნიკა გვარამიას საქმეზე აცილების საკითხი. სიუჟეტში გასული ინფორმაცია შეიცავდა დანაშაულის ნიშნებს. სწორედ ამიტომ, ჩვენ შევიტანეთ განცხადება და მოვითხოვეთ გამოძიების დაწყება. ეს არ არის პირველი შემთხვევა, როდესაც გახმაურებულ საქმეზე მოგვითხოვია გამოძიების დაწყება. გამოძიების დაწყებაა მოთხოვნილი „თიბისი ბანკზე“ კიბერშეტევის საქმეზე, ასევე „ტვ პირველის“ კიბერშეტევის საქმეზე და გავრცელებულ ინფორმაციაზე იმის შესახებ, რომ გახარიამ წერილი მისწერა ხაზარაძეს და ჯაფარიძეს და კონკრეტული მოქმედებების შესრულება მოსთხოვა. არცერთ ამ საქმეზე ჩვენ ეფექტური გამოძიება არ გვინახავს. მაღალი ლეგიტიმური მოლოდინი ცხადია, არც ამ შემთხვევაში მაქვს. საინტერესოა, შეასრულებს თუ არა პროკურატურა კანონით განსაზღვრულ ვალდებულებას, რომ ფორმალურად მაინც დაიწყოს გამოძიება ამ საქმესთან დაკავშირებით. უნდა დაიკითხოს ნიკა გვარამია, გამოძიებამ უნდა ამოიღოს ვიდეოჩანაწერები და მობილური ანძებიდან ამონაწერები სიუჟეტში მონაწილე პირები გადაადგილდებოდნენ თუ არა მითითებულ დროს ერთი და იმავე მიმართულებით,” - აღნიშნა კახა კოჟორიძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი