რუსული ავიაკომპანია S7-ის თვითმფრინავის ბორტზე მგზავრი თავის აფეთქებით იმუქრებოდა
რუსული ავიაკომპანია S7-ის ცნობით, მისმა კუთვნილმა ერთ-ერთმა თვითმფრინავმა დომოდედოვოს საერთაშორისო აეროპორტში იძულებითი დაჯდომა განახორციელა. ამის მიზეზი მგზავრის მხრიდან მუქარა გახდა, რომ თავს აიფეთქებდა.
გავრცელებული ინფორმაციით, თვითმფრინავის მგზავრი ქალი სავარძლებს შორის გასასვლელში დადგა და დაიმუქრა, რომ ასაფეთქებელი მოწყობილობა ჰქონდა. ამ დროს თვითმფრინავი რეისს ანექსირებული ყირიმის ქალაქ სიმფეროპოლიდან მოსკოვის მიმართულებით ასრულებდა. თვითმფრინავი უსაფრთხოდ დაჯდა.
ქალი პოლიციამ დააკავა, თუმცა მას ასაფეთქებელი მოწყობილობა არ აღმოაჩნდა.
იხილეთ ვიდეო: რუსული ავიაკომპანია S7-ის თვითმფრინავის ბორტზე მგზავრი თავის აფეთქებით დაიმუქრა
