ამირან გამყრელიძის განცხადებით, ჯანმრთელობის მსოფლიო ორგანიზაციაში მიმდინარეობს საგანგებო კომიტეტის დახურული სხდომა, სადაც მსჯელობენ, თუ რა ხდება  ჩინეთში

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ამ დროისთვის ჯანმრთელობის მსოფლიო ორგანიზაციაში მიმდინარეობს საგანგებო კომიტეტის დახურული სხდომა, სადაც მსჯელობენ, თუ რა ხდება ჩინეთში, ასევე მსჯელობენ გამოცხადდეს თუ არა საზოგადოებრივი ჯანმრთელობის საგანგებო მდგომარეობა გლობალურად.

ამასთან, როგორც ამირან გამყრელიძემ პრესკონფერენციაზე განაცხადა, ჩრდილოეთ კორეის გარდა, ჯერჯერობით, არცერთ ქვეყანას ჩინეთთან არ ჩაუკეტავს საზღვარი. მისივე თქმით, რუსეთმა ნაწილობრივ, შორეულ აღმოსავლეთთან ჩაკეტა საზღვარი.

„სხვას არავის ჩაუკეტავს საზღვარი ჩინეთთან. საქართველოსთან ერთად, ასევე ზოგიერთმა ავიაკომპანიამ გამოაცხადა პირდაპირი რეისების შეჩერება.

ამჟამად, ზუსტად ამ დროს მიმდინარეობს საგანგებო კომიტეტის სხდომა და ალბათ, ის რამდენიმე საათის განმავლობაში გაგრძელდება, სადაც მსჯელობა მიმდინარეობს იმის შესახებ, თუ რაც ხდება ჩინეთში, გამოცხადდეს თუ არა საზოგადოებრივი ჯანმრთელობის საგანგებო მდგომარეობა გლობალურად. ის დღეს მხოლოდ ჩინეთისთვის არის გამოცხადებული. ამიტომ, ამ სხდომის შედეგები ჩვენ ალბათ, გვიან ღამე გვეცოდინება, როდესაც დისკუსიის შეჯამების შემდეგ ბრიფინგი დაიწყება. ალბათ, ხვალ დილას ან გვიან ღამე იქნება ცნობილი, ჯანმრთელობის მსოფლიო ორგანიზაცია თავის ვებ-გვერდზე დადებს რეკომენდაციებს“, - განაცხადა გამყრელიძემ.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)