საქართველოს პროფესიული კავშირების გაერთიანების წევრი ორგანიზაციების ნაწილი „ხალხის პარტიის" რიგგარეშე ყრილობაში მიიღებს მონაწილეობას. ამის შესახებ „ინტერპრესნიუსს“ გაერთიანებული პროფკავშირების პრესსამსახურიდან აცნობეს.
„პროფკავშირების გაერთიანება წლებია აქტიურად მონაწილეობს ქვეყნის სოციალურ და პოლიტიკურ ცხოვრებაში. მიზნების უკეთ რეალიზებისთვის კი უფრო მაღალი, პოლიტიკური ტრიბუნის ქონას მიზანშეწონილად მიიჩნევს. გაერთიანების წარმომადგენელთა ნაწილი საჭიროდ თვლის მიიღოს "ხალხის პარტიის" მოწვევა და გამოიყენოს აღნიშნული პლატფორმა”, - ნათქვამია განცხადებაში.