საბერძნეთი გეგმავს, თურქეთის გავლით ევროპისკენ მიმავალი მიგრანტების ნავების შესაჩერებლად ეგეოსის ზღვაში მცურავი ბარიერები დაამონტაჟოს. ამის შესახებ BBC ოფიციალურ პირებზე დაყრდნობით წერს. სავარაუდოდ, მეტალის მავთულის ბარიერები საბერძნეთის კუნძულ ლესბოსთან დამონტაჟდება და სასიგნალო განათებით აღიჭურვება.
საბერძნეთის თავდაცვის სამინისტროს ინფორმაციით, ეს პროექტი გადაუდებელი საჭიროების შემთხვევაში განხორციელდება.
ცნობისთვის, მიგრანტები თურქეთის გავლით ხშირად ცდილობენ საბერძნეთში შესვლას. მათი უმეტესობა ავღანეთიდან და სირიიდან არის. თურქეთის პრეზიდენტი რეჯეფ თაიფ ერდოღანი ევროპას არაერთხელ დაემუქრა, რომ თუკი ევროკავშირი ნაკისრ ვალდებულებებს არ შეასრულებს, ის მიგრანტების ნაკადს ევროპის კონტინეტისკენ გაუხსნის გასასვლელს.