მიხეილ სააკაშვილი - სანამ ეპიდემიის ასეთი საფრთხეა, ჩინეთის არც ერთი მოქალაქე საქართველოს მიწაზე ფეხს არ უნდა ადგამდეს

სანამ ეპიდემიის ასეთი საფრთხეა, ჩინეთის არც ერთი მოქალაქე საქართველოს მიწაზე ფეხს არ უნდა ადგამდეს, - ამის შესახებ საქართველოს ყოფილი პრეზიდენტი მიხეილ სააკაშვილი "ფეისბუქის" საკუთარ გვერდზე წერს. სააკაშვილი ფიქრობს, რომ ჩინეთთან პირდაპირი ფრენების აკრძალვა საკმარისი არ არის.

ყოფილი პრეზიდენტი საჭიროდ მიიჩნევს, ნებისმიერი მესამე ქვეყნის გავლით ჩინეთის მოქალაქეების საქართველოში ჩამოსვლის შეჩერებას.

„გრძელდება ჩინეთიდან საქართველოში მოქალაქეების ჩამოსვლა. საქართველოს ხელისუფლება იქცევა უკიდურესად უპასუხისმგებლოდ და ეს არაფერი არ იქნება, რომ ეს არ ეხებოდეს თითოეულ თქვენგანს, ჩვენს შვილებს, რომლებიც ამ სასიკვდილო დაავადების ძალიან დიდი რისკის ქვეშ არიან! დაუყოვნებლივ დღესვე! ხვალ დილიდანვე! აიკრძალოს ჩინეთის მოქალაქეების საქართველოში ჩამოფრენა! აიკრძალოს შემოსვლა საქართველოს სახმელეთო, საზღვაო და საჰაერო საზღვრით. ეს არ არის რეკომენდაცია! თუ კიდევ ოდნავ სინდისის და საღი აზრის ნატამალი შერჩენია ივანიშვილს, მან ეს დაუყოვნებლივ უნდა გააკეთოს! არც ერთი ჩინეთის მოქალაქე საქართველოს მიწაზე ფეხს არ უნდა ადგამდეს სანამ ეპიდემიის ასეთი საფრთხეა და სანამ არ მომხდარა მასობრივი გავრცელება, რისი დიდი საფრთხეც არსებობს, მათ შორის საქართველოსთან მიმართებაში! ჩინეთის რეისების ფრენის აკრძალვა არ კმარა! საჭიროა ჩინეთის მოქალაქეების საქართველოში ჩამოსვლის შეჩერება, ნებისმიერი მესამე ქვეყნის გავლით. პირდაპირი ფრენების აკრძალვა არ კმარა”, - წერს სააკაშვილი "ფეისბუქში".

იხილეთ ვიდეო

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი