ოპოზიციის მხრიდან არის ცრუ ბრალდებები და მათი მხრიდან უზრდელური მიდგომა, - ამის შესახებ თბილისის საკრებულოს უმრავლესობის წევრმა ავთანდილ ცინცაძემ ჟურნალისტებს ლევან ხაბეიშვილსა და „ქართული ოცნების” დეპუტატებს შორის მომხდარ დაპირისპირებაზე საუბრისას განუცხადა.

მისი თქმით, ლევან ხაბეიშვილზე საკრებულოს უმრავლესობის დეპუტატების მხრიდან თავდასხმა არ მომხდარა.

„რაც მოხდა ყველამ კარგად დაინახეთ. ჩვენი მხრიდან ყველაფერი კონსტრუქციულ რეჟიმშია და მზად ვართ სამუშაოდ. ეს არ იყო თავდასხმა, ეს იყო მისი უზრდელური საქციელიდან გამოწვეული. მე მზად ვარ ვითანამშრომლო გამოძიებასთან და ნუ გავუსწრებთ მოვლენებს. მე არ ვიძახი, ვინ არის დამნაშავე და ვინ არ არის დამნაშავე, ავთო ცინცაძეა დამნაშავე თუ ლევან ხაბეიშვილი, ამას გამოძიება დაადგენს”,- განაცხადა ცინცაძემ.

კითხვაზე, გრძნობს თუ არა მომხდარის გამო პაუსიხსმგებლობას, ცინცაძემ განაცხადა, რომ პასუხისმგებლობას მოსახლეობის მიმართ გრძნობს.

„ჩვენს საზოგადოებას მე ბოდიშიც მოვუხადე”,- განაცხადა მან.