ერეკლე კუხიანიძე - მე რომ გამაგდეთ პარტიიდან, რატომ არ გააგდეთ კობახიძე, რომელმაც ხალხის მტერი დასვა სავარძელში?

რატომ ვერ იტანს ეს პარტია იმას, რომ კორუფციის წინააღმდეგ მებრძოლი ადამიანი რაღაცას ამბობს, - ამის შესახებ უმრავლესობიდან გარიცხულმა დეპუტატმა, ერეკლე კუხიანიძემ თბილისის საკრებულოში კომისიის სხდომა სიტყვით გამოსვლისას განაცხადა.

კუხიანიძის თქმით, „ქართული ოცნების“ კორუფციული ნაწილი ნორმალური და დემოკრატიული პროცესების განვითარებას აფერხებს.

„მე რომ გამაგდეთ პარტიიდან, რატომ არ გააგდეთ კობახიძე, რომელმაც ხალხის მტერი დასვა სავარძელში? ისევ პარტიაში, ბატონი ბიძინას გვერდზე ზის და მისი მრჩეველია. რატომ ვერ იტანს ეს პარტია იმას, რომ კორუფციის წინააღმდეგ მებრძოლი ადამიანი რაღაცას ამბობს? რატომ ისარგებლა პარტიაში კორუფციულმა ნაწილმა, რომელსაც კონტრრევოლუცია აქვს მოხდენილი „ქართულ ოცნებაში“ და არ აძლევს საშუალებას ნორმალური, დემოკრატიული პროცესები განვითარდეს,“ - განაცხადა ერეკლე კუხიანიძემ.

ერეკლე კუხიანიძემ „ნაციონალური მოძრაობის“ წევრ ლევან ხაბეიშვილზეც ისაუბრა. მისი თქმით, ხაბეიშვილი ყოველ გამოსვლაზე მის ოჯახს ეხება, მოიხსენიებს როგორც მოღალატეს.

„ბატონ ლევანს მე არაერთხელ მივმართე და ჩემი დამოკიდებულება ცნობილი იყო ყველასთვის. ვამბობდი, რომ ოპოზიციის კრიტიკის გარეშე ქვეყანა დაიღუპება, ვთხოვდი მას ცირკები არ გაემართა, ემსჯელა ნორმალურად და მე თვითონ მაინტერესებდა რას ლაპარაკობდა. სრულიად დაუშვებელია რაც გააკეთეთ ბატონი ლევან ხაბეიშვილის მიმართ, ხელით შეხება დეპუტატზე არის სრულიად დაუშვებელი. ბატონი ხაბეიშვილი ყოველ გამოსვლაზე ჩემს ოჯახს ეხება, მე მომიხსენიებს როგორც მოღალატეს და ჩემთან არ შემოდის დიალოგში. როდესაც ის მორალზე ლაპარაკობს, პირველ რიგში თავის მორალს მიხედოს,“ - განაცხადა ერეკლე კუხიანიძემ.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს