ლევან ბოძაშვილი - 20 წელზე მეტია ქვეყანა იმყოფება ევროსაბჭოს მონიტორინგის პროცედურის ქვეშ, 20 წელია ვერ ჩამოვყალიბდით დემოკრატიულ სახელმწიფოდ

ექსპერტი ლევან ბოძაშვილი საარჩევნო სისტემასთან დაკავშირებით ევროსაბჭოს საპარლამენტო ასამბლეის მიერ მიღებულ რეზოლუციას აფასებს და აცხადებს, რომ „ქართულმა ოცნებამ“ პროპორციული საარჩევნო სისტემის კანპროექტის ჩაგდებით მარტივი პოლიტიკური წინდაუხედაობა გამოიჩინა.

როგორც მან „ინტერპრესნიუსს“ განუცხადა, ამ პოლიტიკურმა წინდაუხედაობამ ევროსაბჭოს მონიტორინგის პროცედურიდან საქართველოს მოხსნის პერსპექტივა შეაფერხა.

„20 წელზე მეტია ჩვენი ქვეყანა იმყოფება ევროსაბჭოს მონიტორინგის პროცედურის ქვეშ. 20 წელია ვერ ჩამოვყალიბდით სრულად დემოკრატიულ სახელმწიფოდ და კვლავ ჰიბრიდული, ნახევრად დემოკრატია ვართ. შარშან მარტში შევხვდი ევროპის საბჭოს მონიტორინგის კომიტეტის წევრებს. ფრანგ სენატორსა და რუმინელ დეპუტატებს. მათი განწყობა წლის ბოლოსთვის მონიტორინგიდან ამოეღოთ ქვეყანა, იყო აბსოლუტურად დადებითი. თუმცა, აპრილიდან მოყოლებული, სასამართლოზე ვენეციის კომისიის დასკვნების არგათვალისწინებამ, ხოლო შემდეგ პროპორციულის ჩავარდნამ, სრულად შეცვალა ეს მიდგომა და გუშინ ისევ კრიტიკული მონიტორინგის დასკვნის რეზოლუცია მიიღო ევროსაბჭოს საპარლამენტო ასამბლეამ. ამ ძალიან სამწუხარო მდგომარეობის მიღმა, არის ერთი კითხვაც: რა უფრო დიდ პოლიტიკურ დივიდენდებს მოუტანდა „ქართულ ოცნებას“, ევროსაბჭოს 20-წლიანი მონიტორინგიდან თავის დაღწევა და ქვეყნის სრულ დემოკრატიად აღიარება, თუ პროპორციული არჩევნების ჩავარდნა და სასამართლო სისტემის მიმართ დიდი კითხვის ნიშნების გაჩენა? ეს ხომ ძალიან მარტივი პოლიტიკური წინდაუხედაობაა,“ - განაცხადა ბოძაშვილმა.

შეგახსენებთ, რომ ევროსაბჭოს საპარლამენტო ასამბლეა საარჩევნო სისტემასთან დაკავშირებით, „ქართულ ოცნებას“ მიმართავს.

რეზოლუციაში, რომელიც ასამბლეამ მიიღო, ორგანიზაცია მმართველ პარტიას მოუწოდებს, 2020 წლის არჩევნებამდე უზრუნველყოს ისეთი საარჩევნო სისტემა, რომელიც ყველა მხარის ნდობითა და მხარდაჭერით ისარგებლებს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი