ნათია თურნავას ინფორმაციით, EBRD-მა ინტერესი გამოთქვა, რომ საქართველოს მთავრობას ანაკლიის პორტის პროექტთან დაკავშირებით ახალი ტენდერის გამართვაში დაეხმაროს

ეკონომიკისა და მდგრადი განვითარების მინისტრის, ნათია თურნავას ინფორმაციით, EBRD-მა ინტერესი გამოთქვა, რომ საქართველოს მთავრობას ანაკლიის ღრმაწყლოვანი პორტის პროექტთან დაკავშირებით ახალი ტენდერის გამართვაში დაეხმაროს.

როგორც მინისტრმა ანაკლიის პორტის პროექტზე საუბრისას აღნიშნა, არის ასეთი პრაქტიკა, რომ დიდ პროექტებთან დაკავშირებით მთავრობას საერთაშორისო საფინანსო ინსტიტუტები ეხმარებიან ტენდერების ორგანიზებასა და პირობების გლობალური ინვესტორებისთვის გაცნობაში.

„ევროპის რეკონსტრუქციისა და განვითარების ბანკის (EBRD) მხრიდან საწყისი სურვილია გამოხატული, რაც ადასტურებს საერთაშორისო საფინანსო ინსტიტუტების რწმენას ამ პროექტის მიმართ. ჩვენ ამაზე ვიმსჯელებთ.

ანაკლიის პორტი ჩვენს სტრატეგიულ პრიორიტეტად რჩება, მას სახელმწიფოსგან უპრეცედენტო მხარდაჭერა აქვს, რაც იმედს მაძლევს, რომ აუცილებლად განხორციელდება. ამაზე ის ინტერესიც მეტყველებს, რასაც საერთაშორისო საფინანსო ინსტიტუტები და ბანკები დღემდე იჩენენ პროექტის მიმართ“, - აღნიშნა მინისტრმა.

თურნავას განცხადებით, ღრმაწყლოვანი ინფრასტრუქტურის მშენებლობა ძალიან დაგვიანდა, „მათ შორის იმ წარუმატებლობის გამო, რაც ინვესტორმა ანაკლიის პორტის პროექტში განიცადა“.

რაც შეეხება ფოთის პორტს და „ეიპიემ ტერმინალსის" გეგმებს, მინისტრის თქმით, კომპანიასთან ხშირია შეხვედრები და მთავრობისთვის ცნობილია მათი სურვილის შესახებ, გააფართოვონ საპორტო ინფრასტრუქტურა ფოთში.

„გაუმართლებელი იქნებოდა თუ არ გვექნებოდა აქტიური კომუნიკაცია ჩვენი პორტების ხელმძღვანელებთან. მათ შორის „ეიპიემ ტერმინალსიც" ჩვენი სამინისტროს ხშირი სტუმარია",- აღნიშნა მინისტრმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს