სოფო კილაძე - გიგა ოთხოზორიასა და არჩილ ტატუნაშვილის მკვლელობა ოკუპაციის რეალური სახეა

ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, სოფო კილაძემ, ევროპის საბჭოს საპარლამენტო ასამბლეის მონიტორინგის პროგრესთან დაკავშირებულ სხდომაზე, ოკუპირებულ აფხაზეთსა და ცხინვალში ადამიანის უფლებათა დაცვის კუთხით არსებულ მძიმე ვითარებაზე ისაუბრა. ამის შესახებ ინფორმაციას პარლამენტის პრესსამსახური ავრცელებს.

მათივე ცნობით, სოფო კილაძემ განსაკუთრებით გაუსვა ხაზი ოთხოზორია-ტატუნაშვილის მკვლელობის საქმეს.

„ერთი-ერთი მტკივნეული საკითხი, რომელზეც ემოციის გარეშე საუბარი არ შემიძლია, არის აფხაზეთისა და ცხინვალის რეგიონები, რუსეთი მიერ ოკუპირებული ტერიტორიები და ჰუმანიტარული კატასტროფის ადგილები. გუშინ და დღეს ბატონი ტოლსტოი და ბატონი სლუცკი შეეცადნენ, დაერწმუნებინათ ასამბლეა, რომ რუსეთი პასუხისმგებელი არ არის უკრაინისა და საქართველოს ოკუპირებულ ტერიტორიებზე, ადამიანების უფლებათა უმძიმეს დარღვევებზე. თუმცა, როგორც ყველამ კარგად ვიცით, მათ იციან სიმართლე, რომ ეთნიკური ქართველები ადამიანის უფლებების უმძიმესი დარღვევების მსხვერპლნი არიან. მკვლელობები, წამება, გატაცება, უკანონო დევნა, მათ იციან, რომ რუსეთია პასუხისმგებელი ყველა ამ დარღვევაზე. გიგა ოთხოზორიასა და არჩილ ტატუნაშვილის მკვლელობა ოკუპაციის რეალური სახეა.

ძვირფასო კოლეგებო, წარმოიდგინეთ ოჯახის ტანჯვა, როდესაც მათ ახალგაზრდა მამაკაცის, არჩილ ტატუნაშვილის ნაწამები ცხედარი, დაახლოებით ერთთვიანი მტკივნეული მოლოდინის შემდეგ მიიღეს, შინაგანი ორგანოების გარეშე“, - აღნიშნა სოფო კილაძემ.

საქართველოს პარლამენტის მუდმივმოქმედი დელეგაცია ირაკლი კობახიძის ხელმძღვანელობით, სტრასბურგში, ევროპის საბჭოს საპარლამენტო ასამბლეის სესიაში მონაწილეობს.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა