„თავისუფალი საქართველოს“ ინფორმაციით, მევახშის მიერ მოვალის გამოსახლება შეაჩერეს

„თავისუფალმა საქართველომ“ მევახშის მიერ, აზაროვების ხუთსულიანი ოჯახის გამოსახლების პროცესი შეაჩერა. ამის შესახებ „ინტერპრესნიუსს“ „თავისუფალი საქართველოს“ პრესსამსახურიდან აცნობეს.

მათივე ცნობით, პარტიის იურისტები მონაწილეობას მიიღებენ მხარეებს შორის მედიაციის პროცესში.

„თავისუფალი საქართველოს“ და ოჯახის გულშემატკივრების ძალისხმევით, დანიშნული გამოსახლება შეჩერდა. პარტიის იურისტები მონაწილეობას მიიღებენ მხარეთა შორის დაგეგმილ მედიაციის პროცესში, რათა ოჯახს მიეცეს გონივრული ვადა ვალდებულების შესასრულებლად და შეუნარჩუნდეს საცხოვრებელი სახლი.

31 იანვარს, ფონიჭალაში დანიშნული იყო აზაროვების ხუთსულიანი ოჯახის საპოლიციო გამოსახლება.

აზაროვებმა მევახშისგან 16 000 აშშ დოლარი ისესხეს, საიდანაც 7000 მალევე გადაიხადეს. ოჯახში 2 მცირეწლოვანი ბავშვი და მოხუცი ქალბატონი ცხოვრობს, რომლის ჯანმრთელობის კრიტიკული მდგომარეობის გამო, აზაროვებმა დარჩენილი ვალდებულების შესასრულებლად მევახშეს მცირე დროის მიცემა სთხოვეს. მევახშემ ისარგებლა ოჯახის მძირე მატერიალური მდგომარეობით, მათ ერთადერთ საცხოვრებელ სახლს იძულებითი აუქციონის წესით დაეუფლმა და აზაროვებისგან 30 000 აშშ დოლარის გადახდას მოითხოვს“, - ნათქვამია ინფორმაციაში.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა