რუსული მედიის ინფორმაციით, საქართველომ შესაძლოა, ევროსაბჭოს თხოვნით მიმართოს, მინისტრთა კომიტეტის სხდომა თბილისის ნაცვლად სტრასბურგში გაიმართოს

Commersant.ru-ს ინფორმაციით, საქართველოს ხელისუფლებამ შესაძლოა, ევროსაბჭოს ხელმძღვანელობას მიმართოს თხოვნით, რომ ორგანიზაციის მინისტრთა კომიტეტის სხდომა, რომელიც მაისშია დაგეგმილი, თბილისის ნაცვლად სტრასბურგში ჩატარდეს.

გამოცემის ცნობით, ამის შესახებ მათ საქართველოს ხელისუფლებასთან დაახლოებულმა პირებმა აცნობეს.

„გადაწყვეტილება ჯერ მიღებული არ არის. ბევრია იმაზე დამოკიდებული, თუ როგორ განვითარდება მოვლენები მაისამდე“, - აცხადებს წყარო.

გამოცემის ცნობით, აღნიშნულის მიზეზი ისაა, რომ რუსულ დელეგაციას, რომელიც თბილისში ჩამოვა, სავარაუდოდ, სერგეი ლავროვი უხელმძღვანელებს, რამაც შესაძლოა, ქვეყანაში საპროტესტო გამოსვლები გამოიწვიოს.

„კომერსანტი“ ასევე აღნიშნავს, რომ ცოტა ხნის წინ, წყარომ რუსეთის ხელისუფლებიდან მათთან საუბარში აღნიშნა, რომ „იმის შანსი, რომ სერგეი ლავროვი ყველაფრის მიუხედავად მაინც გადაწყვეტს წავიდეს თბილისში, მაღალი არ არის“.

ცნობისთვის, საქართველომ, როგორც თავმჯდომარე ქვეყანამ, მაისში ევროპის საბჭოს მინისტერიალს და ორგანიზაციის წევრი ქვეყნების დელეგაციებს უნდა უმასპინძლოს. არსებული ინფორმაციით, რუსეთის დელეგაციას სერგეი ლავროვი წარმოადგენს, რომელსაც თავის მხრივ, „საქართველოს ოკუპირებული ტერიტორიების შესახებ“ კანონი არაერთხელ აქვს დარღვეული.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 03.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
იურიდიული პირები პროკრედიტ ბანკში ანგარიშებს დისტანციურად გახსნიან