გერმანიის ბუნდესტაგის პრეზიდენტი ქვეყანას სამხედრო ოპერაციების გაფართოებისკენ მოუწოდებს

გერმანიის ბუნდესტაგის პრეზიდენტი ვოლფგანგ შოიბლე ქვეყანას მოუწოდებს, რომ საერთაშორისო თავდაცვის საქმეში უფრო აქტიურად იმოქმედოს. როგორც შოიბლემ ადგილობრივ მედიას განუცხადა, საჭიროა გერმანიამ, მის პარტნიორებთან ერთად, სამხედრო საკითხებში მეტი პასუხისმგებლობა აიღოს.

„ჩვენ ვერ დავიმალებით. თუკი ევროპა უფრო გააძლიერებს მის როლს, მაშინ ჩვენც ჩვენი წვლილი უნდა შევიტანოთ, ჩვენ ყველაფერს მხოლოდ ფრანგებსა და ამერიკელებს ვერ მივანდობთ“, - განაცხადა შოიბლემ.

ბუნდესტაგის პრეზიდენტმა ასევე განაცხადა, რომ თავდაცვის მინისტრის გეგმებს შეიარაღებული ძალების ოპტიმიზებასა და თავდაცვითი ხარჯების გაზრდასთან დაკავშირებით მხარს უჭერს.

„როდესაც საფრანგეთი გვთხოვს, რომ მეტი გავაკეთოთ მალიში უსაფრთხოების უზრუნველსაყოფად, ჩვენი პასუხები პარიზში ენთუზიაზმს არ იწვევს. ოსვენციმისგან მიღებული გაკვეთილი არ შეიძლება პასუხი იყოს იმისა, თუ რატომ არ ვიღებთ მუდმივ ვალდებულებებს“,- აღნიშნა ვოლფგანგ შოიბლემ.

მან აქვე განმარტა, რომ გერმანიის შეიარაღებული ძალების მხრიდან მისიების გაფართოებას შეიძლება თავისი მორალური ფასი ჰქონდეს.

შეგახსენებთ, რომ გერმანიაზე ნატოსა და ევროკავშირის ქვეყნები ზეწოლას პერმანენტულად აძლიერებენ, რომ ამ სახელმწიფომ თავდაცვით საკითხებში უფრო აქტიური როლი შეასრულოს.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს