ვეტერანების საქმეთა სახელმწიფო სამსახურში უწყების დირექტორს, ვლადიმერ იმნაძესა და საქართველოს თავდაცვის ძალების მეთაურის მოადგილეს, გენერალ-მაიორ ზაზა ჩხაიძეს შორის შეხვედრა გაიმართა.

როგორც „ინტერპრესნიუსს“ ვეტერანების საქმეთა სახელმწიფო სამსახურიდან აცნობეს, შეხვედრას ასევე ესწრებოდნენ თადარიგის გენერლები: გენერალ-ლეიტენანტი დავით თევზაძე, გენერალ-მაიორი თეიმურაზ ლორია, გენერალ-მაიორი თენგიზ შუბლაძე და ბრიგადის გენერალი ამირან სალუქვაძე.

მხარეებმა ისაუბრეს ქვეყნის თავდაცვისა და უსაფრთხოების ასამაღლებლად თადარიგის გენერლებისა და ოფიცრების ინტელექტუალური რესურსისა და გამოცდილების გამოყენების აუცილებლობაზე და ამ კუთხით თანამშრომლობის სამომავლო პერსპექტივაზე. გეგმებსა და იმ გამოწვევებზე, რომელთა წინაშეც ომისა და თავდაცვის ძალების ვეტერანები დგანან. განიხილეს ამ გამოწვევათა დაძლევის გზები.

როგორც ვეტერანების საქმეთა სახელმწიფო სამსახურის დირექტორმა, ვლადიმერ იმნაძემ აღნიშნა, ასეთი შეხვედრები ქვეყნის მოქმედ და თადარიგის გენერლებს შორის პერმანენტულად გაიმართება.