თბილისის საქალაქო სასამართლოში საკრებულოში “ნაციონალური მოძრაობის” წევრის, ლევან ხაბეიშვილის აღმკვეთი ღონისძიების შეფარდების თაობაზე მსჯელობენ.
საქმე 24 იანვარს ხაბეიშვილსა და საკრებულოში “ქართული ოცნების” წევრ ირაკლი ზარქუას შორის მომხდარ დაპირისპირებას ეხება. საქმეს მოსამართლე გიორგი ქადაკაშვილი განიხილავს.
პროკურატურამ ბრალდებულისთვის 3 ათასი ლარის ოდენობით გირაოს შეფარდების შუამდგომლობა დააყენა. ცნობისთვის, 24 იანვარს ლევან ხაბეიშვილსა და ირაკლი ზარქუას შორის საკრებულოში დაპირისპირება მოხდა, რაზეც ლევან ხაბეიშვილს ბრალი სსკ-ს 126-ე მუხლით წარედგინა, რაც ცემას ან სხვაგვარ ძალადობას გულისხმობს.