გერმანიის კანცლერ ანგელა მერკელსა და რუსეთის პრეზიდენტ ვლადიმერ პუტინს შორის სატელეფონო საუბარი გაიმართა. ამ ინფორმაციას რუსული მედია ავრცელებს.
მათი თქმით, სატელეფონო საუბრის ინიციატორი გერმანული მხარე იყო. ლიდერებმა უკრაინისა და ახლო აღმოსავლეთის კონფლიქტებზე ისაუბრეს. მათი საუბრის ერთ-ერთი უმთავრესი თემა აშშ-ის პრეზიდენტ დონალდ ტრამპის მიერ შემოთავაზებული ახლო აღმოსავლეთის სამშვიდობო გეგმა იყო.
ლიდერებმა ასევე განიხილეს ლიბიის ცეცხლის შეწყვეტის შეთანხმება და სირიაში მიმდინარე საომარი მოქმედებები.