სახელმწიფო აუდიტის სამსახურის ინფორმაციით, მცხეთის, ამბროლაურის და ხონის მუნიციპალიტეტებმა უხარისხოდ შესრულებული ინფრასტრუქტურული სამუშაოები ჩაიბარეს, რომლებიც დამატებით რეაბილიტაციას საჭიროებს.
სახელმწიფო აუდიტის სამსახური სამი მუნიციპალიტეტის 2017-2018 წლების ბიუჯეტით გათვალისწინებული პროგრამების აუდიტის ანგარიშებს აქვეყნებს, რომლებშიც სხვა დარღვევებთან ერთად უხარისხოდ შესრულებული ინფრასტრუქტურულ პროექტებზეა საუბარი.
კერძოდ, აუდიტის სამსახურის ინფორმაციით, 2017-2018 წლებში მცხეთის მუნიციპალიტეტმა ჩაიბარა უხარისხოდ შესრულებული 52.1 ათასი ლარის ინფრასტრუქტურული პროექტი. ასევე, უხარისხოდ შესრულებული სამუშაოების ჩაბარება ხონის მუნიციპალიტეტმა.
„ შესაბამისმა პასუხისმგებელმა პირებმა კონტროლის პროცედურები წარმართეს ისე, რომ ჩაიბარეს 563.9 ათასი ლარის ღირებულების ისეთი ინფრასტრუქტურული პროექტები , რომელთა ხარისხი სათანადოდ დადასტურებული არ იყო. შედეგად, სამუშაოები დაზიანებულია და საჭიროებს დამატებით რეაბილიტაციას. მუნიციპალიტეტი ვალდებული იყო დაედგინა დაზიანების გამომწვევი მიზეზები, პასუხისმგებელი პირები და ზარალის ანაზღაურების მიზნით, გაეტარებინა შესაბამისი ღონისძიებები. მუნიციპალიტეტს აღნიშნული ღონისძიებები არ განუხორციელებია”, - წერია ხონის მუნიციპალიტეტის შესაბამისობის დასკვნაში.
აუდიტის დასკვნით, ამბროლაურის მუნიციპალიტეტმა 2017-2018 წლებში 1,193.2 ათასი ლარის ღირებულების უხარისხოდ შესრულებული ინფრასტრუქტურული პროექტები ჩაიბარა.