ორგანიზებულ დანაშაულთან ბრძოლის დეპარტამენტის თანამშრომლებმა, თვალთვალის შედეგად, სტამბოლში რუსულ მაფიასთან კავშირში მყოფი ორგანიზებულ დამნაშავეთა ჯგუფი დააკავეს. ამის შესახებ თურქული მედიასაშუალება „cnnturk.com“ იუწყება.
ჩატარებული ოპერაციის შედეგად, თურქმა სამართალდამცველებმა 16 ადამიანი დააკავეს, რომელთა შორის რუსეთის 1, უკრაინის 3, საქართველოს 4 და აზერბაიჯანის 8 მოქალაქეა. ჩხრეკის შედეგად 11 ერთეული ცეცხლსასროლი იარაღი 222 ერთეული ტყვია ამოიღეს.