ჩინეთში, კორონავირუსით გარდაცვლილთა რაოდენობა 259 ადამიანამდე გაიზარდა, - ამის შესახებ „როიტერსი“ ჩინეთის ჯანდაცვის სამსახურებზე დაყრდნობით იუწყება.
ჩინეთის ჯანდაცვის კომისიის ინფორმაციით, პარასკევს ვირუსის 2,102 ახალი, დადასტურებული შემთხვევა გამოვლინდა, რაც იმას ნიშნავს, რომ საერთო ჯამში, ქვეყანაში კორონავირუსით დაინფიცირებულთა რაოდენობამ 11,791-ს მიაღწია.
რაც შეეხება ჰუბეის პროვინციის ქალაქ უხანს, რომელსაც ინფექციის წყაროდ მიიჩნევენ, იქ ერთ დღეში ვირუსით 33 ადამიანი გარდაიცვალა და 576 ახალი შემთხვევა დადასტურდა.
ეპიდემიის გამო, დღემდე ჩინეთის მიმართულებით სხვადასხვა ქვეყნიდან 10,000-მდე ავიარეისი გაუქმდა.