ამირან გამყრელიძე - მივმართავ მოსახლეობას, ნუ მიეცემით პანიკას, არავითარი პანიკის საფუძველი ამ ეტაპზე არ  გვაქვს

მინდა მივმართო საქართველოს მოსახლეობას, არავითარი პანიკის საფუძველი ამ ეტაპზე არ გვაქვს. საქართველოში არ დაფიქსირებულა არც ერთი კორონავირუსით ინფიცირებული ადამიანის შემთხვევა, - ამის შესახებ დაავადებათა კონტროლის ეროვნული ცენტის ხელმძღვანელმა ამირან გამყრელიძემ ჟურნალისტებთან საუბრისას განაცხადა.

მისი თქმით, ჩინეთიდან ჩამოსული ყველა მგზავრი მნიშვნელოვნად კონტროლდება.

„ჩინეთიდან ჩამოსულ ყველა მგზავრს საზღვრებზე უტარდება შესაბამისი თერმო სკრინინგი, ასევე მიმდინარეობს საინფორმაციო კამპანია. არის სერიოზული მზაობა, რომ თუ ქვეყანაში ასეთი შემთხვევა დაფიქსირდა, მას შესაბამისი გადაუდებელი სამედიცინო დახმარება გაეწიოს იმ საერთაშორისო სტანდარტებით, რომელიც დღეს მიღებულია. ამისთვის ყველანაირი მატერიალურ-ტექნიკური ბაზა და მედიკამენტური რეზერვი ქვეყანაში საკმარისია. მივმართავ მოსახლეობას, ნუ მიეცემით პანიკას იმიტომ, რომ ეს პანიკა კიდევ უფრო აუარესებს საზოგადოებრივ აზრს, უფრო ართულებს ამ დაავადების პრევენციასა და ამ დაავადების პროფილაქტიკას. გთხოვთ, მხოლოდ ოფიციალური წყაროებიდან მიიღოთ ინფორმაცია. ჩვენ არაფერს ვმალავთ, ჩვენი ცენტრი არის ძალიან გამჭირვალე, ნებისმიერ კითხვაზე პასუხი არსებობს“, - განაცხადა გამყრელიძემ.

მისი თქმით, ბოქსირებულ განყოფილებაში მოთავსებული საქართველოს ორი მოქალაქის ანალიზები გაგზავნილია ნიდერლანდებში და პასუხები სავარაუდოდ, სამშაბათს დილისთვის იქნება ცნობილი.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა