საქართველოს საგარეო საქმეთა მინისტრი, დავით ზალკალიანი თურქეთს საქართველოს მოქალაქეების უხანიდან ევაკუაციისთვის მადლობას უხდის.
„მინდა მადლობა გადავუხადო თურქეთს საქართველოს მოქალაქეების უხანიდან ევაკუაციის გამო. მხარდაჭერის მსგავსი აქტები კიდევ უფრო ამტკიცებს იმ ძლიერ პარტნიორობასა და სოლიდარობას, რომელიც ორ ქვეყანას შორის არსებობს“, - წერს საგარეო საქმეთა მინისტრი „ტვიტერის“ საკუთარ გვერდზე.
ცნობისთვის, თურქეთი ჩინეთის ქალაქ უხანიდან საკუთარ მოქალაქეებთან ერთად საქართველოს 4 მოქალაქის ევაკუაციასაც ახორციელებს. თურქეთის სამხედრო თვითმფრინავმა ჩინეთი უკვე დატოვა.