მედიის ინფორმაციით, ისრაელმა დამასკოზე საჰაერო თავდასხმები განახორციელა. სირიის არაბთა საინფორმაციო სააგენტოს ცნობით, „ისრაელის რაკეტების უმეტესობა იქამდე გააუვნებელყვეს, ვიდრე ისინი დანიშნულების წერტილებს მიაღწევდა“.

დამასკოზე საჰაერო თავდახმის ვიდეომასალას ავრცელებს რუსული მედიაც. „ასოშიეთიდ პრესის“ ინფორმაციით კი, ქალაქში ძლიერი აფეთქებების ხმა ისმის.

სირიის დედაქალაქ დამასკოსთან, რამდენიმე ირანული პოზიციაა, სადაც „ალ ჯაზირას ინფორმაციით“, ცეცხლი შეინიშნება.

ცნობები გარდაცვლილთა და დაშავებულთა შესახებ ჯერჯერობით არ გავრცელებულა. ისრაელის თავდაცვის ძალები მედიასთან კომენტარს არ აკეთებენ.