კლინიკა "ღია გულის" წარმომადგენელი - სამინისტროდან არავინ გველაპარაკებოდა, ვიდრე პრემიერმა ჯანდაცვის მინისტრი თავის კაბინეტში ძალით არ მოიყვანა ჩვენთან შესახვედრად

ჯანდაცვის სამინისტროდან არასდროს არავინ არ გველაპარაკებოდა, ვიდრე ძალით არ მოიყვანა პრემიერ-მინისტრმა ჯანდაცვის მინისტრი თავის კაბინეტში ჩვენთან შესახვედრად, - ამის შესახებ კლინიკა "ღია გულის" კარდიოანესთეზიისა და ინტენსიური თერაპიის დეპარტამენტის ხელმძღვანელმა გიორგი გრიგოლიამ განაცხადა.

გიორგი გრიგოლია ჯანდაცვის სამინისტროსთან კომუნიკაციის პრობლემაზე საუბრობს და აცხადებს, რომ უწყების მიერ 520-ე დადგენილებასთან დაკავშირებით ჯანდაცვის სფეროს წარმომადგენლების აზრის სრული იგნორირება ხდება.

„როდესაც პარლამენტში იყო შეხვედრები კლინიკებთან, იქაც ჯანდაცვის კომიტეტიდან ორი -სამი კაცის გარდა არავინ ესწრებოდა და ჯანდაცვის სამინისტროდან არასდროს არავინ არ გველაპარაკებოდა, ვიდრე ძალით არ მოიყვანა პრემიერ-მინისტრმა ჯანდაცვის მინისტრი თავისთან კაბინეტში ჩვენთან შესახვედრად. ყოველთვის გველაპარაკებიან მინისტრის მოადგილეები, თუმცა არც პირველი და არც მეორე მოადგილე, ეკონომისტები. არის აბსოლუტური იგნორირება, რაც ვფიქრობ იმიტომ ხდება, რომ იციან ჩვენს ლაპარაკს მათგან არანაირი ცვლილება არ მოჰყვება. ეს არის დავალება, რომელიც უნდა შეასრულონ არჩევნების წინ", - აცხადებს გრიგოლია.

ამასთან, როგორც გრიგოლიამ "ინტერპრესნიუსს" ჯანდაცვის მინისტრ ეკატერინე ტიკარაძის განცხადების კომენტირებისას განუცხადა, რომლის თანახმადაც ქირურგიული ჩარევები საჭიროზე დიდი რაოდენობით ტარდებოდა, ეს დარგის წარმომადგენლების შეურაცხყოფაა.

"ქალბატონი მინისტრი ალბათ გარკვეული არაა. როგორ შეიძლება გააკეთო ოპერაცია, როდესაც საჭირო არაა? მთელ მსოფლიოში სტატისტიკა არსებობს, რომ 3.5 მილიონ მოსახლეზე წლის განმავლობაში 3 500 ოპერაცია კეთდება გულზე, საქართველოს ყველა კლინიკა ამ რაოდენობაზე ვერც ერთ წელს ვერ ადის. მიზეზი მათ შორის ისაა, რომ ზოგიერთმა ადამიანმა,მაგალითად, ვინც მაღალმთიან რეგიონში ცხოვრობს არ აქვთ წვდომა პირველად მედიცინასთან. შესაბამისად, ეს განცხადება შეურაცხყოფის მიყენებაა ამ დარგის წარმომადგენლებისთვის",-აცხადებს გრიგოლია.

შეგახსენებთ, 2019 წლის ნოემბერში ძალაში შევიდა მთავრობის 520-ე დადგენილება, რომელიც საყოველთაო ჯანდაცვის პროგრამაში მონაწილე კლინიკებისთვის კარდიოლოგიისა და რეანიმაციის სერვისებზე ტარიფების გათანაბრებას ითვალისწინებს.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ