საფრანგეთის ელჩი - ჩვენ მხარს ვუჭერთ, რომ დისკუსია იყოს ნაყოფიერი, მხარეები შეთანხმდნენ და მიმდინარე წელს საქართველოში საუკეთესო არჩევნები ჩაატარონ

ჩვენ მხარს ვუჭერთ ამ დიალოგის მიმდინარეობას იმისთვის, რომ პოლიტიკურ ძალებს შესაძლებლობა ჰქონდეთ ევროპული სტანდარტების თავისუფალ არჩევნებში ჩაერთონ, - ამის შესახებ საფრანგეთის ელჩმა საქართველოში, დიეგო კოლასიმ განაცხადა.

მისი თქმით, დიპლომატიური კორპუსი მხარს უჭერს პარტიებს შორის დისკუსიის გაგრძელებას, რათა ისინი ერთ აზრამდე მივიდნენ და მიმდინარე წელს შესაძლებლობის ფარგლებში საუკეთესო, ევროპული სტანდარტების, თავისუფალი არჩევნები ჩაატარონ.

„ჩვენ მხარს ვუჭერთ დასავლური მოდერნიზების გზაზე საქართველოს მიერ გადადმულ ნაბიჯსა და არჩევანს. ეს ასევე გულისხმობს დიალოგის გაგრძელებას პოლიტიკურ ძალებს შორის. ჩვენ მხარს ვუჭერთ ამ დიალოგის მიმდინარეობას, იმისთვის, რომ პოლიტიკურ ძალებს შესაძლებლობა ჰქონდეთ ევროპული სტანდარტების თავისუფალ არჩევნებში ჩაერთონ.

არ მინდა რამე სპეციფიკური კომენტარი გავაკეთო ამ მოლაპარაკებების ან ზოგადად საქართველოს საშინაო პოლიტიკის შესახებ. ჩვენ მხარს ვუჭერთ, რომ ეს დისკუსია იყოს ნაყოფიერი, მხარეები შეთანხმდნენ, ერთ აზრზე მივიდნენ და ჩაატარონ საუკეთესო არჩევნები მიმდინარე წელს საქართველოში. ერთადერთი, რაზეც ჩვენ ვზრუნავთ, არის ის, რომ საქართველოს მიერ არჩეული დასავლური კურსი დაცული იყოს და სწორედ ეს არის რასაც ემსახურება ჩვენი აქ მუშაობა“, - განაცხადა დიეგო კოლასიმ.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ