„გაერთიანებული ოპოზიციის“ წევრმა ზვიად კუპრავამ და მხარდამჭერებმა აქცია-პერფომანსი გამართეს. მათ ავტომობილზე ირაკლი შოთაძის გამოსახულებით „მანეკენი“ განათავსეს და გენერალური პროკურატურის შენობიდან საქართველოს პარლამენტამდე მსვლელობა მოაწყეს.

მათი განცხადებით, რა მოლოდინიც არსებობდა გამართლდა.

„შოთაძე არის ერთადერთი კანდიდატი, რომელიც გადაეგზავნება პარლამენტს, დარჩენილია ფორმალობა. ფორმალობას ვასრულებთ ჩვენ, შოთაძე მიგვაქვს პარლამენტში. ამას ემსახურება ეს აქცია-პერფორმანსი. „მონა შოთაძე“ მიგვაქვს პარლამენტში და ასევე პარლამენტს წარვუდგენთ იმ სავარაუდო დანაშაულთა სიას, რომელიც შოთაძეს აქვს ჩადენილი",-განაცხადა ზვიად კუპრავამ.

აქციის მონაწილეები შეეცადნენ მანეკენი პარლამენტის კანცელარიაში ჩაებარებინათ, თუმცა მათ ამის საშუალება პარლამენტის დაცვამ არ მისცა.