შვედმა გარემოსდამცველმა აქტივისტმა გრეტა თუნბერგმა შვედეთის ლაპლანდიაში ადგილობრივი ტომის, სამების საპროტესტო აქციაში მიიღო მონაწილეობა. ის ახალგაზრდების მიერ მოწყობილ დემონსტრაციაზე სიტყვით გამოვიდა.
„კლიმატის ცვლილება მთელი მსოფლიოს მასშტაბით პირველ რიგში ადგილობრივ ტომებზე ახდენს გავლენას. ჩვენ ამ ბრძოლაში სოლიდარობას გიცხადებთ, რადგან ეს ჩვენი ბრძოლაცაა“,-განაცხადა თუნბერგმა.
შეგახსენებთ, რომ გრეტა თუნბერგმა 2 წლის წინ კლიმატის ცვლილების საწინააღმდეგო აქციები სტოკჰოლმში მარტომ დაიწყო. მას მალევე გამოუჩნდნენ თანამოაზრეები და ყოველ პარასკევს ევროპის ქვეყნების უმეტესობაში სკოლის მოსწავლეები და სტუდენტები მასშტაბურ აქციებს სახელწოდებით „პარასკევი მომავლისათვის“ მართავდნენ. ისინი მსოფლიო ლიდერებს კლიმატის ცვლილების შეჩერებისკენ მოუწოდებენ.