აშშ-ის პრეზიდენტმა დონალდ ტრამპმა ამერიკის შეერთებული შტატების ელჩი ევროკავშირში გორდონ სონდლენდი, რომელმაც იმპიჩმენტის პროცესის ფარგლებში მის წინააღმდეგ ჩვენება მისცა, თანამდებობიდან გაათავისუფლა.
„მითხრეს, რომ პრეზიდენტი ჩემს დაუყოვნებლივ გაწვევას აპირებს,“ - განაცხადა სონდლენდმა.
თანამდებობა დაატოვებინეს თეთრი სახლის ექსპერტს უკრაინის საკითხებში ვიცე-პოლკოვნიკ ალექსანდერ ვინდმენსაც, რომელმაც იმპიჩმენტის პროცედურის ფარგლებში გამართული მოსმენების დროს ტრამპის წინააღმდეგ მისცა ჩვენება.
შეგახსენებთ, გორდონ სონდლენდმა ჩვენების მიცემისას განაცხადა, რომ მან უკრაინის პრეზიდენტ ვლადიმერ ზელენსკის ჯო ბაიდენისა და მისი შვილის წინააღმდეგ გამოძიების დაწყება პრეზიდენტ დონალდ ტრამპის მითითებით მოსთხოვა. ტრამპის წინააღმდეგ ჩვენება მისცა ალექსანდერ ვინდმენმაც, რომლის მტკიცებით, ის იმდენად შეშფოთდა, როდესაც პრეზიდენტმა ტრამპმა უკრაინელ კოლეგას ჯო ბაიდენის საქმის გამოძიება სთხოვა, რომ გადაწყვიტა ამის შესახებ თეთრი სახლის ადვოკატისთვის ეცნობებინა.
ორი დღის წინ, აშშ-ის სენატმა პრეზიდენტი დონალდ ტრამპი იმპიჩმენტის პროცედურის ფარგლებში წაყენებულ ორივე ბრალდებაში გაამართლა.