ყაზახეთში, ზამბილის პროვინციაში შეტაკებების დროს სულ მცირე 8 ადამიანი დაიღუპა. ინფორმაციას ქვეყნის შინაგან საქმეთა მინისტრი ავრცელებს. შეტაკებები პოლიციასთან ყირგიზეთის საზღვართან, მასანჩის სოფელში განხორციელდა. ასობით ადამიანი ადგილზე საპროტესტო აქციას მართავდა, რაც სამართალდამცველებთან ხელჩართულ ჩხუბში გადაიზარდა. დაჭრილია ორი პოლიციელი. მედიის ცნობით, პოლიციამ 47 ადამიანი დააკავა.
შინაგან საქმეთა სამინისტროს ინფორმაციით, ამ ეტაპზე სიტუაცია კონტროლს ექვემდებარება.
ცნობისთვის, ადგილზე, სადაც ინციდენტი მოხდა, დუნგანების და ჩინელების ეროვნული უმცირესობები ცხოვრობენ.